Россиянинг энг йирик косметика дўконлари тармоқларидан бири «Магнит Косметик» Ўзбекистон бозорига кириб келмоқда. Бу ҳақда «Магнит» компанияси президенти ва бош директори Ян Даннинг хабар қилди.
Ўзбекистон — деярли 40 млн аҳолига эга бўлган аҳолиси ёш ва тез ўсиб борадиган давлат, бу ерда замонавий чакана савдо форматлар ҳали унчалик кўп эмас. Шу жиҳатдан бу жозибадор бозор. Биз форматимизни Ўзбекистонда йўлга қўйишга ҳаракат қиламиз ва тез орада биринчи дўконни очишни режалаштирганмиз, — дейди Даннинг.
Ўзбекистон «Магнит» учун Россиядан ташқари бўлган биринчи бозор бўлади. «Магнит» Россияда ўзининг озиқ-овқат дўконлари билан ҳам машҳур, лекин уларни Ўзбекистонда очиш ҳозирча режалаштирилмаган.
Интеллектуал мулк агентлиги маълумотлар базасига кўра, «Магнит» айни пайтда Ўзбекистонда ўзининг бир нечта товар белгиларини рўйхатдан ўтказишга берган.
«Магнит Косметик» Россиядаги энг йирик косметика ва дорихона дўконлари тармоғидан бири ҳисобланади. 2021 йил охирига келиб унинг таркибига 6966 та савдо нуқталари кирган.
Изоҳ (0)