Австриянинг Шписс (Тирол) шаҳри яқинида қор кўчиши оқибатида беш киши ҳалок бўлди. Бу ҳақда маҳаллий полиция баёнотига таяниб, Krona газетаси хабар берди.
Воқеа жойига қўшни Швециядан иккита вертолёт, шунингдек, Австрия тез ёрдам ва полиция хизматларининг вертолётлари учиб кетган. Тўрт нафар чанғичи жонсиз ҳолда топилган, тиббиёт ходимлари бешинчи чанғичига ёрдам кўрсатишга уринган, бироқ у ҳам вафот этган. Гуруҳ аъзоларидан яна бири шифохонага ётқизилган.
Маҳаллий дор йўли компанияси вакилларининг журналистларга маълум қилишича, қор кўчкиси содир бўлган вақтда қияликда фақат битта гуруҳ бўлган. Экспертларнинг тахминича, қор кўчкиси чанғичиларнинг айби билан юзага келган бўлиши мумкин.
Krona газетасининг таъкидлашича, Тиролда 4 февраль куни жуда кўп қор кўчкилари кузатилган — кечгача 13 та. ОРФ маълумотларига кўра, кун давомида 50 та содир бўлган. Зелден шаҳри ҳудудида содир бўлган кўчки остида ҳам беш нафар чанғичи қолиб кетган, бироқ улар қор остидан мустақил чиқишга муваффақ бўлган.
Аввалроқ Бразилияда кучли ёғингарчилик 20 кишининг ўлимига сабабчи бўлгани, АҚШда қор довули сабаб 5 мингга яқин авиарейс бекор қилингани, ЖАРда тропик бўрон оқибатида 70 киши ҳалок бўлгани тўғрисида хабар берилганди.
Изоҳ (0)