Avstriyaning Shpiss (Tirol) shahri yaqinida qor ko‘chishi oqibatida besh kishi halok bo‘ldi. Bu haqda mahalliy politsiya bayonotiga tayanib, Krona gazetasi xabar berdi.
Voqea joyiga qo‘shni Shvetsiyadan ikkita vertolyot, shuningdek, Avstriya tez yordam va politsiya xizmatlarining vertolyotlari uchib ketgan. To‘rt nafar chang‘ichi jonsiz holda topilgan, tibbiyot xodimlari beshinchi chang‘ichiga yordam ko‘rsatishga uringan, biroq u ham vafot etgan. Guruh a’zolaridan yana biri shifoxonaga yotqizilgan.
Mahalliy dor yo‘li kompaniyasi vakillarining jurnalistlarga ma’lum qilishicha, qor ko‘chkisi sodir bo‘lgan vaqtda qiyalikda faqat bitta guruh bo‘lgan. Ekspertlarning taxminicha, qor ko‘chkisi chang‘ichilarning aybi bilan yuzaga kelgan bo‘lishi mumkin.
Krona gazetasining ta’kidlashicha, Tirolda 4-fevral kuni juda ko‘p qor ko‘chkilari kuzatilgan — kechgacha 13 ta. ORF ma’lumotlariga ko‘ra, kun davomida 50 ta sodir bo‘lgan. Zelden shahri hududida sodir bo‘lgan ko‘chki ostida ham besh nafar chang‘ichi qolib ketgan, biroq ular qor ostidan mustaqil chiqishga muvaffaq bo‘lgan.
Avvalroq Braziliyada kuchli yog‘ingarchilik 20 kishining o‘limiga sababchi bo‘lgani, AQShda qor dovuli sabab 5 mingga yaqin aviareys bekor qilingani, JARda tropik bo‘ron oqibatida 70 kishi halok bo‘lgani to‘g‘risida xabar berilgandi.
Izoh (0)