Ҳеч қандай шубҳа йўқки, микротўлқинли печ инсон ҳаётига ҳайратланарли даражада енгиллик киритди. Аммо озиқ-овқат қолдиқлари деворларга, эшикнинг ички қисмига ёки печ шифтига сачрашига йўл қўймайдиган махсус ҳимоя қопқоғидан фойдаланиш ҳам иш бермайди, у тезда кир бўлади. Шунингдек, уни ювиш машаққат ҳам талаб этади. Аммо қуйида бу жараённи сезиларли даражада осонлаштирадиган бир нечта маслаҳатлар мавжуд.
Микротўлқинли печни ювиш учун махсус кимёвий воситалардан фойдаланиш мумкин. Ёки оддийгина истеъмол содаси, идишларни ювиш воситаси ёки сирка (оқ ёки олма) ва лимон шарбати керак бўлади. Аммо пластик юзаларни йўқ қиладиган ва микротўлқинли печнинг ишлаш муддатини қисқартирадиган оқартиргичдан фойдаланиш тавсия этилмайди.
Микротўлқинли печнинг ички қисмини қандай тозалаш керак?
Албатта, микротўлқинли печнинг деворлари ва шифтини тозалаш воситаси билан артиб, кейин уни сув билан ювиш мумкин. Лекин, биринчи навбатда, бу ноқулай, иккинчидан, маҳсулотнинг қолдиқлари деворларда қолиб, кейинги маҳсулот устига тушиши мумкин бўлган хавф ҳар доим мавжуд. Аммо бошқа йўли ҳам бор.
Битта лимоннинг шарбатини сиқиб олинади, лимонни майда бўлакларга бўлиб, бир стакан сув билан аралаштирилади ва микротўлқинли печда ишлатиш учун мос чуқур идишга солинади. Бир-икки ош қошиқ олма сиркаси қўшилади. Аралашма билан идиш микротўлқинли печга қўйилади, у максимал қувват билан ёқилиб, суюқлик қайнагунча ва печ ойнаси туман бўлгунча кутилади. Ёпиқ микротўлқинли печда беш-етти дақиқа ушлаб турилади, кейин идиш олиб ташланади ва нам губкада артиб олинади.
Микротўлқинли печнинг эшигига ёпишган ёғни қандай тозалаш керак?
Микротўлқинли печ нафақат ичида балки ихтиёрий равишда унинг сиртида ҳам ёғ излари қолади. Хўш, эшикни қандай қилиб тозалаш керак?
- Идишларни ювиш учун нам губкага озгина истеъмол содаси сепилади ва юза артиб олинади. Кейин қолгани нам мато билан тозаланади.
- Агар жуда кўп ёғ бўлса ёки у эски бўлса, идишларни ювиш воситаси ёки микротўлқинли печни тозалаш учун махсус гелдан фойдаланиш керак.
- Тозалаш воситаси шамоллатгичларга тушмаслиги учун уни мато ёки губка билан қўллаш лозим. Электрон бошқарув элементларига шикаст етказмаслик учун тозалагични пуркаш тавсия этилмайди.
Афсуски, турли таом иситилганда, унинг ҳиди микротўлқинли печда узоқ вақт сақланиб қолади. Бу каби ёқимсиз ҳидларни қандай йўқотиш мумкин?
Оддий ҳид учун истеъмол содасидан фойдаланиш керак: ликопча ёки бирор идишга озгина сода солиб, ёпиқ печда бир муддат қолдириш керак. Восита ҳидларни ўзлаштиради.
Микротўлқинли печда бирор нарса куйиб кетган бўлса, ҳидни йўқотиш учун мўлжалланган махсус гелдан фойдаланиш яхшидир. Ёки лимон шарбати билан сувдан фойдаланиш мумкин. Бунинг учун битта лимон шарбати сиқиб олинади, бир стакан сув билан аралаштирилади, аралашма идишга қуйилади ва юқори қувватга бир неча дақиқа қўйилади. Лимон шарбати ҳатто куйган каби доимий ва ёқимсиз ҳидларни ҳам мукаммал даражада бартараф этади.
Изоҳ (0)