Кўпчилигимиз бу одатий ва осон процедура тартибини нотўғри бажарамиз. Соч ювишнинг тўғри алгоритми қандай эканлиги, сочларни шампунь ва бальзам билан қандай ювиш кераклиги ва бу муҳим масалада қандай нюанслар борлиги ҳақида шифокор-трихолог Саломея Аболян маълумот беради.
Сочлар тез кир бўлмаслиги учун бошни тўғри ювинг
Тери ифлослангани учун бош ювилади. Турли мамлакатлардаги трихолог ва дерматологлар томонидан олиб борилган тадқиқотларда тасдиқлаганидек, бош териси ва сочлар соч тагида тўпланган ва вақтида ювилмаган кирлардан кўпроқ таъсирланади. Бошдаги ёғ секрецияси, кир ва чанг бактериялар кўпайишига замин яратади, терининг нафас олишига йўл қўймайди, соч илдизлари фойдали моддаларни ололмайди — буларнинг барчаси бош терисининг нормал ишлашини бузади ва соч ўсишини секинлаштиради. Сочни мунтазам ювиш стандарт гигиена муолажаси бўлиб, унинг давомийлиги бош терисининг индивидуал хусусиятларига ва ҳолатига боғлиқ.
Google’дан «Сочни шампунь ўрнига тухум билан қандай ювиш керак» деб қидирманг
Ҳар куни фойдаланишга мўлжалланган шампунлар иложи борича нейтрал, нозик, гипоаллергик ва агрессив бўлмаган таркибга эга. Шунга кўра, уларни ҳақиқатан ҳам ҳар куни ишлатиш мумкин. Сулфатсиз шампунларга ҳам эътибор беринг.
Агар шунга қарамай сочингизни шампунь ўрнига тухум билан ювишга қарор қилсангиз, қуйидаги кичик кўрсатмаларга амал қилинг:
- Тухум сариғини оқидан ажратиб олинг. Соч узунлигига қараб 1-3 тагача тухум талаб қилиниши мумкин.
- Сочингизни ювинг ва оддий шампунь каби тухум сариғини бошингизга суртинг.
- Сочингизга суртгандан кейин дарҳол ювишингиз мумкин ёки чўмилиш қалпоғини кийиб, ярим соат давомида бошингизда қолдиринг: тухум сариғини соч ниқоби сифатида ишлатишингиз мумкин.
- Сочингизни ювинг ва ювиб ташланадиган бальзамдан фойдаланинг.
Бош ювиш частотаси соч тури ва сув сифатини ҳисобга олган ҳолда алоҳида танланиши керак. Агар сочингиз ёғли бўлса, 3-4 кундаёқ бошингизда ёғ тўпланади, бу эса яллиғланишга олиб келиши мумкин. Ёғли бош терисини эҳтиёж сезилгандаёқ ювган маъқул.
Сочни шампунь билан қандай ювиш керак?
Шампунь миқдори соч узунлигига боғлиқ. Аёлларнинг ўзлари керак бўладиган миқдорни билишади, чунки болаликдан сочни тўғри ювишни ўрганганмиз. Маҳсулотни тўғридан-тўғри бошга қуйиш тавсия этилмайди, чунки:
- миқдорини назорат қилиш қийин бўлади, ушлаб кўриш билан аниқлаш қийин;
- шампуннинг кўп қисми чекланган ҳудудга тушади.
Сочни тўғри ювиш қоидаси
Сочингизни ювишдан олдин қуйидагиларни қилиш тўғри бўлади:
- Яхши ва тоза ювилиши учун аввал сочни тараш керак.
- Сочингизни у қулоқдан бу қулоққача, шартли чизиқ бўйлаб ювиш лозим, сўнгра бошнинг орқа томонини ҳам.
- Ҳаракатлар массаж ёки бармоқ учлари билан амалга оширилиши керак, лекин ҳар қандай ҳолатда ҳам терини тирнамаслик лозим.
Сочлар тоза ювилиши учун неча марта шампуньлаш керак?
Буларнинг барчаси ювиш частотасига ва ишлатиладиган маҳсулотга боғлиқ. Агар ҳар куни сочингизни ювишингиз керак бўлса, унда икки марта кўпиклашнинг ҳожати йўқ, сочларингиз ифлосланишга улгурмайди ҳам. Сочларини ҳафтасига 2 марта ювадиганлар учун шампунни икки марта қўллаган яхши. Иккинчи мартасида шампунь миқдорини икки баравар камайтириш тавсия этилади.
Соч ўсиши учун бош ювганда қандай ҳароратдаги сув тўғри келади?
Кўпчилик катта хатога йўл қўйиб, сочларини жуда иссиқ сув билан ювади, бу эса бошдаги ёғ безларини фаоллаштиради. Сочни иссиқ сувда ювиш нотўғри. Optimaл сув ҳарорати 40-50 даража бўлиши лозим. Айнан шу ҳарорат режими ёғларнинг яхши эришига, кирнинг осонгина кетишига ёрдам беради, шунингдек, қон айланишини яхшилайди.
Охирида сочни совуқ сув билан ювинг
Сочни ювиш жараёнини илиқроқ ёки совуқ сув билан якунлаш мақсадга мувофиқдир, бу бош терисини қон билан таъминлашни рағбатлантиради ва сочларни ёрқин ва соғлом қилади.
Бош ювилгандан кейинги ниқоб
Ниқобларни қанчалик кўп қўллаш соч ҳолатига ва керакли таъсирга, шунингдек, озуқа моддасининг таркибига боғлиқ. Агар сочингиз қаттиқ шикастланган ва яхши парваришга муҳтож бўлса, ниқобни ҳар куни қўлланг. Соч ўсиши учун у ва бош териси соғлом бўлиши керак, шунинг учун сочингизни ниқоб ёрдамида тез-тез ювинг. 8-10 сеансдан сўнг натижа аниқ кўринади, кейин эса ушбу косметик маҳсулотни камроқ ишлатишингиз мумкин бўлади.
Агар профилактика мақсадида сочларингизга ниқоб қўллашни режалаштирмоқчи бўлсангиз, уни ҳафтасига 1-2 мартадан кўп бўлмаган ҳолда ишлатинг. Ушбу частота оптимал ҳисобланади.
Сочларни бальзам билан қандай ювиш керак?
Шампуньдан кейин сочларга бальзам қўлланилади. Бальзам нафақат сочнинг pH даражасини барқарорлаштиради, балки унга ёрқинлик беради, ипакдек майин қилади. Бальзам, шунингдек, сочнинг ташқи қатламини ёки кутикулани силлиқлайди, яъни қаттиқ сув, шампунь ва соч бўёғи қолдиғини бартараф этади.
Бальзамни сочнинг узунлиги бўйлаб қўллаш мумкин (баъзилар уни фақат соч учларига суртиш керак деб ўйлашади), шу жумладан илдизларга ҳам, лекин бош терисига суртманг. 5-7 дақиқага қолдиринг, кейин яхшилаб ювиб ташланг. Бош терисига қўлланганда, бальзам сочларни оғирлаштиради ва уларни илдиз ости ҳажмидан маҳрум қилади.
Сочни ювгандан кейин нима қилиш керак?
Соч турига қараб соч ёғи, ҳимоя спрейи ёки ювиш шарт бўлмаган бошқа воситалардан фойдаланиш керак бўлади.
Ёрлиқдаги кўрсатмаларга мувофиқ қуруқ ёки нам сочларга қандай таъсир қилишига қараб ёғ суртиш мумкин. Сочингиз ёғли ёки нам кўринмаслиги учун жуда оз миқдорда ёғдан фойдаланинг.
Эфир мойларининг шикастланган сочларга таъсири ҳўл бўлганда яхши самара беради. Шунинг учун қуруқ сочларга ёғ суртишдан аввал сочларни намланг ва кейин керакли эффектга эришиш учун ёғдан фойдаланинг.
Ҳар доим термоҳимоядан фойдаланинг
Агар сочингизга доимий равишда фен ёки бошқа қурилмаларни ишлацангиз, термоҳимоя воситаларидан фойдаланишингиз лозим. Бундай воситалар соч турига боғлиқ эмас, бошни ювгандан сўнг сочингиз жингалак ёки текис бўладими термоҳимоядан фойдаланиш керак.
Айниқса, нам сочларга укладка қилинганда, намлик буғланади ва ёғ парчаланади. Сочлар синади, ёрқинлигини йўқотади, мўрт бўлиб қолади. Шунинг учун ҳар қандай аёл сочини қанчалик тўғри ювишга ҳаракат қилмасин, сочларини фен билан қуритгандан сўнг, процедуранинг фойдаси сезиларли даражада камаяди.
Шуни таъкидлаш керакки, термоҳимоя спрейлари одатда табиий оқсилларни, Э ва B5 витаминларини, шунингдек, доривор ўсимликлар экстрактларини ўз ичига олади. Ушбу компонентлар туфайли сочлар нафақат термал таъсирлардан ҳимояланади, балки қўшимча ҳажмга эга бўлади, бу эса соч турмагини янада чиройли қилади.
Изоҳ (0)