Ҳар бир нарсани кир ювиш машинасида тозалаш вақт ва кучни тежашнинг ажойиб усули каби кўриниши мумкин. Бироқ баъзи кийимлар ҳаттоки бир марта машинага солинган бўлса ҳам бутунлай яроқсиз ҳолга келиши ҳеч гап эмас.
Бўйинбоғ
Аксарият бўйинбоғлар нозик матолардан тикилади ва шунинг учун машинада тез ювиш пайтида улар шаклини йўқотиши ёки бошқа кийимларга ранги ўтиши мумкин. Бўйинбоғларни қўлда ювиш ёки уларни кимёвий тозалашга олиб бориш тавсия этилади.
Пистон, тугма ва бошқа безакли кийимлар
Пистон ва тугмалар кир ювиш пайтида машинага ёпишиб қолиши ёки бошқа кийимларга зарар етказиши мумкин. Агар бу каби кийимларни кир ювиш машинасида ювиш керак бўлса, мутахассислар биринчи навбатда барча тугма ва замокларни ечишни тавсия қилади.
Декоратив элементларга эга кийимларга эса у пистон, кўз ёки тошлар бўладими, уларни кир ювиш машинасига солиб бўлмайди. Гап шундаки, безаклар чиқиб кетиши, механизмга ёпишиб қолиши ёки бошқа нарсаларга зарар етказиши мумкин.
Болалар пайпоқлари ва бошқа кичик буюмлар
Болалар кийимларини, ҳатто унинг энг кичик элементларини ҳам машинада ювиш тавсия этилмайди. Кичкина кийимлар барабаннинг дренаж тешикларига тушиши, бу кир ювиш машинасининг ишлашига путур етказиши мумкин. Агар қўлда ювиш учун вақт бўлмаса, болалар кийимларини махсус тўрли сумкаларга жойлаштириш ва шундан кейингина уларни машинага солиш тавсия қилинади.
Ипак маҳсулотлари
Кўпгина ипак матолар қуруқ тозалашни ёки ҳеч бўлмаганда қўлда ювишни талаб қилади, чунки юқори ҳарорат ва ювиш даврлари нозик матога зарар етказади. Ипак кийимлар шунчаки йиртилиб кетиши ёки шаклини йўқотиши мумкин. Агар у қўлда ювилса, бунинг учун махсус мўлжалланган тозалаш воситасидан фойдаланиш лозим.
Изоҳ (0)