Ўзбекистон Олий таълим муассасаларида анъанавий таълим жараёнига босқичма-босқич ўтилади, дея хабар бермоқда Олий ва ўрта махсус таълим вазирлиги.
Талабаларга қулайлик яратиш, доимий яшаш ҳудудидан таълим муассасаларига хавфсиз, тирбандликларсиз етиб келишлари, жойларда авиа ва темир йўл чипталарини алмаштиришдаги ноқулайликларнинг олдини олиш ҳамда талабаларнинг ижара уйлари ва ётоқхоналарига ортиқча қийинчиликларсиз жойлашишларини таъминлаш мақсадида олий таълим муассасаларида ўқув жараёнлари 7 февралдан 24 февралга қадар босқичма-босқич анъанавий шаклга ўтказилади.
Бу оралиқдаги дарс машғулотлари ҳам масофавий, ҳам анъанавий шаклда олиб борилади.
Олий ва ўрта махсус таълим вазирлиги 24 февралдан бошлаб ўқув юртларида таълим жараёнлари тўлиқ анъанавий шаклда олиб борилишини маълум қилган.
Аввалроқ Ўзбекистонда 7 февралдан ўқув жараёнлари анъанавий шаклга ўтказилиши маълум қилинганди. Шундан сўнг ижтимоий тармоқларда талабалар Республика махсус комиссиясининг ушбу қарорига норози эканини билдиришди.
Изоҳ (0)