Ўзбекистонда 31 январь куни 1015 кишида коронавирус қайд этилиб, мамлакатда пандемия бошидан бери коронавирусга чалингани расман тасдиқланганлар сони 224 023 нафарга етди, деб хабар беради Соғлиқни сақлаш вазирлиги матбуот хизмати.
Янги касалланиш ҳолатларининг
- 43 нафари Қорақалпоғистон Республикасида,
- 28 нафари Андижон вилоятида,
- 29 нафари Бухоро вилоятида,
- 25 нафари Жиззах вилоятида,
- 37 нафари Қашқадарё вилоятида,
- 17 нафари Навоий вилоятида,
- 26 нафари Наманган вилоятида,
- 58 нафари Самарқанд вилоятида,
- 14 нафари Сирдарё вилоятида,
- 42 нафари Сурхондарё вилоятида,
- 94 нафари Фарғона вилоятида,
- 21 нафари Хоразм вилоятида,
- 78 нафари Тошкент вилоятида,
- 503 нафари Тошкент шаҳрида
Сўнгги суткада 179 киши: Бухоро вилоятида 34 нафар, Навоий вилоятида 20 нафар, Самарқанд вилоятида 13 нафар, Сурхондарё вилоятида 9 нафар, Хоразм вилоятида 31 нафар, Тошкент вилоятида 24 нафар, Тошкент шаҳрида 48 нафар бемор тузалиб, касалликдан соғайганлар жами 210 346 нафарга етди ва соғайиш кўрсаткичи 94 фоизни ташкил этмоқда.
Статистик маълумотларга кўра, сўнгги кунларда мамлакатда кунлик тузалиш ҳолатлари кескин пасайган. Хусусан, 30 январь куни 145 киши, 29 январь куни 242 киши, 28 январь куни эса 363 киши коронавирусдан тузалган. Ундан олдинги кунлари кунлик соғайиш кўрсаткичи минг кишидан ошаётганди — 27 январь куни 1399 киши, 26 январь куни 1291 киши, 25 январь куни 1232 киши.
Шунингдек, 4 нафар коронавирусга чалинган бемор вафот этиб, касалликдан вафот этганлар сони 1568 нафарни ташкил қилмоқда. Бундан ташқари, ўтган бир сутка ичида яна 196 нафар кишида пневмония аниқланган.
Изоҳ (0)