Қашқадарё вилояти Чироқчи туманида 30 январь куни Cobalt автомобили юкхонасидан келиб чиқиши номаълум бўлган гўшт маҳсулоти аниқланди. Бу ҳақда вилоят Ички ишлар бошқармаси хабар қилди.
Қайд этилишича, шу куни соат 01:40 атрофида карантин тадбирларини таъминлаш гуруҳи ходимлари «Умакай» ЙПХ масканида Косон туманида яшовчи фуқаро Ҳ.Ў. бошқарувидаги Cobalt автомашинаси текшириш учун тўхтатган. Натижада автомобиль юкхонасидан қопларга жойлаштирилган, ҳеч қандай ветеринария-санитария ҳужжатларсиз, санитария-гигиена талабларига зид равишда келиб чиқиши номаълум бўлган, тахминан, 230 килограмм оғирликдаги гўшт маҳсулотлари борлиги аниқланган.
Маҳсулот белгиланган тартибда вилоят ветеринария ва чорвачиликни ривожлантириш бўлими озиқ-овқат маҳсулотлари хавфсизлиги микробиология ва ветеринария-санитария экспертиза лабораториясига топширилган.
Мавзуга доир:
- Фарғонада 14,5 тонна гўштни кўмир остига яшириб, Тожикистонга олиб ўтишга уринган шахслар аниқланди
- Наманганда Lacetti юкхонасида 150 кило истеъмолга яроқсиз гўшт олиб кетилаётгани аниқланди
- Жиззахда истеъмолга яроқсиз гўшт маҳсулотларини Тошкент вилоятига жўнатиш билан шуғулланган шахслар жаримага тортилди
Изоҳ (0)