30 январь куни Бразилия жануби-шарқида кузатилган кучли ёғингарчилик оқибатида Сан-Паулуда 18 киши ҳалок бўлди. Бу ҳақда штат губернатори Жоау Дориа ўзининг Twitter’даги саҳифаси орқали маълум қилди.
«Сан-Паулуда кучли ёғингарчилик етказган зарардан чуқур қайғудаман. 18 нафар қурбоннинг оиласи ва яқинларига ҳамдардлик билдираман. Қутқарув операцияларини ўтказяпмиз, жабрланганларга ёрдам кўрсатиш учун маблағ ажратиш бўйича кўрсатма бердим», — дейилади хабарда.
Глобо телеканалининг аниқлик киритишича, кучли ёғингарчилик сув тошқинлари ва кўчкиларни юзага келтирган бўлиб, оқибатда Сан-Паулудаги бир нечта аҳоли пунктларида жойлашган уйлар қулаб тушган. Қурбонлар сони 20 нафарга етган.
Мавжуд маълумотларга кўра, бир неча соат ичида минтақага 115 миллиметрга яқин ёмғир ёғган.
Аввалроқ Жанубий Африкага ёпирилган Ана тропик циклони юзага келтирган сув тошқинлари оқибатида 70 дан ортиқ одам ҳалок бўлган эди. Шунингдек, яна 130 минг киши ўз уйларини тарк этишга мажбур бўлган.
Мавзуга доир:
Изоҳ (0)