30-yanvar kuni Braziliya janubi-sharqida kuzatilgan kuchli yog‘ingarchilik oqibatida San-Pauluda 18 kishi halok bo‘ldi. Bu haqda shtat gubernatori Joau Doria o‘zining Twitter’dagi sahifasi orqali ma’lum qildi.
“San-Pauluda kuchli yog‘ingarchilik yetkazgan zarardan chuqur qayg‘udaman. 18 nafar qurbonning oilasi va yaqinlariga hamdardlik bildiraman. Qutqaruv operatsiyalarini o‘tkazyapmiz, jabrlanganlarga yordam ko‘rsatish uchun mablag‘ ajratish bo‘yicha ko‘rsatma berdim”, — deyiladi xabarda.
Globo telekanalining aniqlik kiritishicha, kuchli yog‘ingarchilik suv toshqinlari va ko‘chkilarni yuzaga keltirgan bo‘lib, oqibatda San-Pauludagi bir nechta aholi punktlarida joylashgan uylar qulab tushgan. Qurbonlar soni 20 nafarga yetgan.
Mavjud ma’lumotlarga ko‘ra, bir necha soat ichida mintaqaga 115 millimetrga yaqin yomg‘ir yog‘gan.
Avvalroq Janubiy Afrikaga yopirilgan Ana tropik sikloni yuzaga keltirgan suv toshqinlari oqibatida 70 dan ortiq odam halok bo‘lgan edi. Shuningdek, yana 130 ming kishi o‘z uylarini tark etishga majbur bo‘lgan.
Mavzuga doir:
Izoh (0)