Instagram: Озод Хуррамовнинг дабдабали туғилган куни, бир ўлимдан қолган Азамат Аҳроров, мухлисларини ҳайрон қолдирган Феруза Жуманиёзова

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Шаҳзода Муҳаммедова қизалоғи ҳамда қайнонаси билан Дубайда ҳордиқ чиқармоқда.

Валижон Шамсиев онасининг туғилган кунида торт кесиш жараёни акс этган видеони саҳифасига жойлади. Видео қизиқчининг кузатувчиларига манзур бўлди.

Озода Нурсаидова кузатувчиларини буюк орзулар қилишдан чўчимасликка чорлади.

Раққоса Паризода ансамбли билан бўлган қизиқарли ҳолат ҳақида сўзлаб берди. Гап шундаки, тўйда чиқиши керак бўлган раққос йигит маълум сабабларга кўра кела олмади. Шу вақтда ансамблдаги либослар устаси саҳнага чиқиб, уни ноқулай вазиятдан қутқариб қолди.

Болливуд юлдузи Прити Зинта мухлисларига янги сурат билан кўриниш берди.

Гулчеҳра Эшонқулова қорли Нью-Йоркдан кузатувчилари учун репортаж тайёрлади.

Ижтимоий тармоқларда тожикистонлик Абдурозиқ ва ўзбекистонлик Эралининг жангги бўлиб ўтгани ҳақида маълумотлар тарқалди. Муниса Ризаева ушбу ҳолатга изоҳ берар экан, жанг ҳали бўлмаганини айтди.

Азамат Аҳроров 28 январь куни 31 ёшни қарши олди. Ўша куни у бир ўлимдан қолди. Бу ҳақда актёр саҳифасида мухлисларига ҳикоя қилиб берди.

Феруза Жуманиёзова ошқозон кичрайтириш амалиётини ўтказганидан сўнг илк марта омма олдида кўриниш берди. Хонанданинг озиб кетгани мухлисларининг ҳайратига сабаб бўлди.

Шаҳло Темирова иккинчи қизалоғи билан бирга тушган суратини саҳифасига жойлади.

30 январь куни блогер ва комик актёр Озод Хуррамов туғилган кунини нишонламоқда. Озод туғилган кунини ноодатий тарзда нишонлади. Байрамда актёрнинг ўзбек шоу-бизнесидаги барча яқинлари иштирок этди. Меҳмонларга комик актёр томонидан турли томошалар саҳналаштирилиб, уларда Озоднинг ўзи рол ижро этди.