Instagram: Ота-онасига пойтахтдан уй совға қилган Феруза Норматова, Тошкентда яшай олмайдиган Марям Тиллаева, Раъно Шодиева оиласидаги жудолик

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Шаҳзода Матчонова коронавируснинг омикрон штамми билан касалланиб, соғайганини маълум қилди.

Райҳон Ғаниевани ҳам омикрон четлаб ўтмади.

Раққоса Паризода ўғли Абдулқодирнинг илк қадамларини кузатувчиларига кўрсатди.

Умида Мирҳамидова марҳум хонанда Азиза Ниёзметовани хотирлади. Хонанда ҳаёт бўлганида 27 январь куни 50 ёшни қарши олган бўларди.

Севинч Мўминова Сардор Мамадалиевнинг «Халқлар дўстлиги» саройида ўтаётган концертида чиқиш қилмоқда. Хонанда учун Тошкентдаги машҳур стилист томонидан янгича образ яратилди.

Актриса Барчин Ғофурова 9 йиллик севгилиси билан ажрашишига сабаб бўлган воқеа ҳақида сўзлаб берди.

«Браво» кулги жамоаси вакиллари Отабек Мирзахолов ва Шаҳло Зоирова ўз фарзандлари билан янги видеороликда суратга тушди.

Айни вақтда Туркияда даволанаётган актриса Раъно Шодиеванинг қайнонаси вафот этди.

Собиқ «Уммон» гуруҳи хонандаси Зоҳид Рисқиев рафиқаси Камола билан тушган суратини саҳифасига жойлаб, у билан ярашганини тасдиқлади.

Муқаддас Саъдуллаева автомобилини бошдан оёқ «кийинтирди». У кузатувчиларига турмуш ўртоғи томонидан совға қилинган автомобилига қандай аксессуарлар сотиб олганини кўрсатди.

Актриса Асал Шодиева «Икки ўғлингиз борми?», деган саволга «Менда учта ўғил. Катта ўғлим 36 ёшда, уни қайнонамдан асраб олганман», дея жавоб берди.

Марям Тиллаева кузатувчиларига «Қаерда яшаганим яхши?», деган савол билан мурожаат қилди. Жавоб вариантларида Лос-Анжелес, Тошкент, Москва ва Мадрид шаҳарлари бор эди. Марям Тиллаева Тошкент жавобини белгилаган кузатувчиларига «Ўзбекистон жуда чиройли, аммо мен у ерда Имондан бошқа ҳеч ким билан яқиндан гаплашмайман», дея жавоб берди. Марямнинг айтишича, у анчадан бери Испания пойтахтида яшаб кўришни орзу қилади.

Шунингдек, уч кун Истанбулда қолиб кетган Марям ниҳоят Тошкент шаҳрига етиб келди ҳамда қувончини фолловерлари билан бўлишди.

Актриса Феруза Норматова Тошкентдан учинчи уйини сотиб олди. У навбатдаги икки хонали уйини Сирдарёда яшайдиган ота-онасига совға қилди.