Британиялик қўшиқчи Эд Ширан руҳий саломатлигини сақлаб қолиш учун телефонидан фойдаланишни тўхтатганини маълум қилди. Хонанда бу ҳақда The Collector’s Edition подкастига сўзлаб берди.
Хонанда смартфондан фойдаланиши ортидан ўзини хафа ва тушкун ҳис қилган. Унинг сўзларига кўра, ҳамиша ёмон кайфиятда бўлган, шунинг учун қурилмадан фойдаланишни чеклашга ва одамлар билан камроқ мулоқот қилишни бошлашга қарор қилди. Ҳозирда мусиқачи асосан электрон почтадан фойдаланади.
Ширан 2015 йилдан бери телефон ишлатмайди. У ушбу қурилмадан воз кечишни ҳаётидаги энг яхши қарорлардан бири деб билади. Эндиликда қўшиқчи кунига ўнга яқин электрон хабарга жавоб беради, натижада камроқ стрессни бошдан кечиради. Шу билан бирга, дўстлари билан тез-тез учрашиб турган хонанда уларни ҳам смартфонларга боғланиб қолганини пайқади.
Изоҳ (0)