Instagram: Ozod Xurramovning dabdabali tug‘ilgan kuni, bir o‘limdan qolgan Azamat Ahrorov, muxlislarini hayron qoldirgan Feruza Jumaniyozova

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.

Shahzoda Muhammedova qizalog‘i hamda qaynonasi bilan Dubayda hordiq chiqarmoqda.

Valijon Shamsiyev onasining tug‘ilgan kunida tort kesish jarayoni aks etgan videoni sahifasiga joyladi. Video qiziqchining kuzatuvchilariga manzur bo‘ldi.

Ozoda Nursaidova kuzatuvchilarini buyuk orzular qilishdan cho‘chimaslikka chorladi.

Raqqosa Parizoda ansambli bilan bo‘lgan qiziqarli holat haqida so‘zlab berdi. Gap shundaki, to‘yda chiqishi kerak bo‘lgan raqqos yigit ma’lum sabablarga ko‘ra kela olmadi. Shu vaqtda ansambldagi liboslar ustasi sahnaga chiqib, uni noqulay vaziyatdan qutqarib qoldi.

Bollivud yulduzi Priti Zinta muxlislariga yangi surat bilan ko‘rinish berdi.

Gulchehra Eshonqulova qorli Nyu-Yorkdan kuzatuvchilari uchun reportaj tayyorladi.

Ijtimoiy tarmoqlarda tojikistonlik Abduroziq va o‘zbekistonlik Eralining janggi bo‘lib o‘tgani haqida ma’lumotlar tarqaldi. Munisa Rizayeva ushbu holatga izoh berar ekan, jang hali bo‘lmaganini aytdi.

Azamat Ahrorov 28-yanvar kuni 31 yoshni qarshi oldi. O‘sha kuni u bir o‘limdan qoldi. Bu haqda aktyor sahifasida muxlislariga hikoya qilib berdi.

Feruza Jumaniyozova oshqozon kichraytirish amaliyotini o‘tkazganidan so‘ng ilk marta omma oldida ko‘rinish berdi. Xonandaning ozib ketgani muxlislarining hayratiga sabab bo‘ldi.

Shahlo Temirova ikkinchi qizalog‘i bilan birga tushgan suratini sahifasiga joyladi.

30-yanvar kuni bloger va komik aktyor Ozod Xurramov tug‘ilgan kunini nishonlamoqda. Ozod tug‘ilgan kunini noodatiy tarzda nishonladi. Bayramda aktyorning o‘zbek shou-biznesidagi barcha yaqinlari ishtirok etdi. Mehmonlarga komik aktyor tomonidan turli tomoshalar sahnalashtirilib, ularda Ozodning o‘zi rol ijro etdi.