Instagram: 11 соатлик операцияни бошдан кечирган Раъно Шодиева, Шаҳзод Султонов Феруза Норматовага уйланганми? Тўхтамурод Азизов оиласида жудолик

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

28 январь куни эл суйган актёр, сўз устаси, «Дўстлик» ордени соҳиби Тўхтамурод Азизовнинг рафиқаси вафот этди. Бу ҳақда Ўзбекистон киноарбоблари ижодий уюшмаси хабар берди.

Нилуфар Усмонова Дубайда концерт дастурини тақдим этди.

Ситора Алимжонова ва Шоҳруҳ Ҳамдамов «Минг бир кеча» деб номланган сериалда жуфтлик образини яратмоқда.

Зиёда уйида эл қатори оддий бека эканлигини намоён қилувчи видеони саҳифасига жойлади.

Ойбек ва Нигора фарзандлари билан фотосессия ташкиллаштирди.

Раъно Шодиева 11 соатлик оғир операцияни бошдан кечирди

«Яратган эгам менга иккинчи ҳаётни туҳфа этди. Бугун 11 соат давом этган мураккаб операциядан ўтганимга 10 кун бўлди. Сўнгги бир неча ойдаги ҳаётим кўз олдимда ағдар-тўнтар бўлиб кетди. Ҳаётимни сақлаб қолиш учун курашган барча шифокорларга миннатдорлик билдираман», — дейди Раъно Шодиева.

Шаҳзода Муҳаммедова қайнонаси ва қизалоғи билан Дубайга жўнаб кетди.

Зарина Низомиддинова «Ромео ва Жулетта» фильмидаги образини такрорлади.

Юлдуз Усмонова «Хаста бўлма» қўшиғининг ўз шеъри билан яратилган янги талқинини мухлислар эътиборига ҳавола этди.

Озода Нурсаидова «Севимли» телеканалидаги янги кўрсатувнинг илк меҳмони бўлди.

Феруза Норматова ҳижобга киргани боис тарк этган «Парихона» сериали учун актрисага жуда ўхшайдиган қизни топишди.

Блогер Озод Хуррамов ўзбек шоу-бизнеси вакилларига таклифномалар тарқатди. 30 январь куни унинг туғилган куни. Озод ушбу кунни унутилмас тарзда нишонлашни режалаштирмоқда.

Феруза Норматованинг клип ва вайнлардаги партнёри Шаҳзод Султонов билан турмуш қургани, бироқ жуфтлик буни оммадан сир тутиши ҳақида миш-мишлар юради. Бу гап-сўзлар қанчалик ҳақиқатга яқин? Шаҳзод Султонов «Машҳурлар» кўрсатувига берган интервьюсида шу ҳақда сўзлаб берди.