«Уйда ёлғиз» Янги йил комедияси туфайли дунё миқёсида шуҳрат қозонган актёр Маколей Калкин турмуш қуришга қарор қилди. У тўрт йилдан бери учрашиб келаётган севгилиси Бренда Сонгга турмуш қуришни таклиф қилган, деб ёзади «360tv.ru» нашри.
Нашрнинг ёзишича, папарацсилар актёрнинг севгилиси билан Беверли-Хиллзда сайр қилиб юрганини суратга олган. Унинг чап қўлида эса никоҳ узугини кўришган. Маълум бўлишича, Бренда Сонг ва Маколей Калкин бир неча йилдан бери бирга яшаб, ўғил фарзандини тарбия қилиб келмоқда. Бола 2021 йил туғилган, унга актёрнинг бахтсиз ҳодисада вафот этган синглиси шарафига Дакота Сонг Калкин исми берилган.
Кўп йиллар давомида муваффақиятли лойиҳаларда суратга тушмай келаётган Калкиннинг карьераси эндигина яхшилана бошлади. Актёр «Американинг қўрқинчли ҳикояси»нинг янги мавсумида рол ўйнади: танқидчиларнинг таъкидлашича, бу рол унга муносиб.
Эслатиб ўтамиз, аввалроқ «Уйда ёлғиз» франшизаси туфайли машҳурликка эришган актёр ва актрисалар яна бир даврага йиғилиши мумкинлиги маълум бўлган эди. Роллардан бирининг ижрочиси Девин Ретрейнинг сўзларига кўра, барча актёрлар янги лойиҳада яна бирлашиши мумкин. Ретрейнинг таъкидлашича, у ҳали ҳам ҳамкасблари билан муносабатларни сақлаб қолган.
Мавзуга доир:
- Фото: «Уйда ёлғиз» фильми суратга олинган Маккалистерлар хонадонига саёҳат
- Алоҳида хонаси тугул, ҳатто ўз каравоти бўлмаган, отаси томонидан ишлашга мажбурланган «Уйда ёлғиз» фильми қаҳрамони — Маколей Калкин ҳаёти ҳақида
- «Уйда ёлғиз» 31 ёшда: Қандай қилиб тасодифий сюжет ва Warner’нинг хатоси дунё томошабинларига Янги йил рамзига айланган фильмни ҳадя этган?
Изоҳ (0)