Касалликнинг олдини олиш ҳақида гапирганда, биз ҳар куни дуч келадиган овқатланиш тартибини ҳам ҳисобга олиш керак. Рационда холестеринни камайтирадиган, қон босимини пасайтирадиган ва қон ивишига ижобий таъсир кўрсатадиган маҳсулотларга устунлик бериш лозим. Бу ҳақда олий тоифали невролог, тиббиёт фанлари номзоди, эпилептолог, нейрофизиолог, психотерапевт Наталья Толстова маълумот беради.

Фото: Getty Images

Холестерин миқдорини камайтирадиган маҳсулотлар

Сули ёрмаси

Бу масалада фойдали бўлган энг оддий маҳсулот олмали сули ёрмаси. Бундай бўтқа липопротеинлар даражасини пасайтиришга ёрдам беради, чунки унинг таркибида омега-3 ёғ кислоталари мавжуд бўлиб, улар паст зичликдаги холестеринни камайтиришдан ташқари, қон босимини ҳам нормаллаштиради.

Мавзуга доир: Гулкарам, сули ёрмаси ва жигар саломатлиги учун муҳим бўлган бошқа маҳсулотлар

Ёғли балиқ

Сардина, скумбрия, селд балиғи — ҳамма харид қилоладиган қиммат бўлмаган маҳсулотлардир. Ёғли денгиз балиқларида кўп миқдорда ёд, омега-3 ёғ кислоталари мавжуд бўлиб, улар қон томирларининг эластиклигига ижобий таъсир қилади ва холестерин миқдорини камайтиради.

Мавзуга доир: Қиш фаслида кўпроқ балиқ истеъмол қилишнинг 5 сабаби

Ёнғоқлар

Грек ёнғоғи, бодом ва бошқа ёнғоқ турлари ҳам холестерин миқдорини нормаллаштиради

Агар ёнғоққа туз ёки шакар қўшилган бўлса, уларнинг фойдалилик қиймати кескин пасайиб кетади. Чунки бундай ҳолатда инсульт ривожланишининг бошқа хавфлари ортади.

Мавзуга доир: Саримсоқ, ёнғоқ ва қалқонсимон без саломатлиги учун фойдали бўлган бошқа маҳсулотлар

Авокадо

Албатта, авокадо арзон мева эмас, лекин шунга қарамай, уни дўконлардан топиш мумкин. Кўплаб тадқиқотлар шуни кўрсатадики, бу мева паст даражадаги липопротеинлар даражасини пасайтиради ва вазнни нормаллаштиришга ёрдам беради.

Мавзуга доир: Ҳар бир одамнинг рационидан ўрин олиши керак бўлган 15 та экологик тоза маҳсулот

Зайтун мойи

Зайтун мойини ҳар бир дўкон жавонидан топиш мумкин. Бу мон тўйинмаган ёғли кислота манбаи бўлиб, холестерин даражасини нормаллаштириш учун майонез ва ёғ ўрнига соус, зиравор сифатида ишлатилади.

Мавзуга доир: Помидор, занжабил ва қонни суюлтирувчи бошқа табиий маҳсулотлар

Қон ивишини нормаллаштирадиган маҳсулотлар

Шарбатлар

Агар қон ивишини камайтирадиган маҳсулотлар ҳақида гапирадиган бўлсак, бунда шарбатлар устунлик қилади. Дўкондаги ҳар қандай ассортимент: грейпфрут, апельсин, лимон, сабзи, олма ва бошқалар. Комбинациялар, аралашмалар, сабзавотли шарбатларни диетага бемалол киритиш мумкин.

Мавзуга доир: Қаҳва, узум шарбати ва касалликка қарши курашда ёрдам берадиган бошқа маҳсулотлар

Саримсоқ ва занжабил

Саримсоқ ва занжабил ҳам қоннинг ёпишқоқлигини камайтиради ва гемореологияни нормаллаштиришга ҳисса қўшади, шунингдек, метаболик жараёнларни фаоллаштиради.

Мавзуга доир: Черника, саримсоқ ва онкологлар мунтазам равишда истеъмол қилишни тавсия этадиган бошқа маҳсулотлар

Сув

Қон ивишини нормаллаштирадиган энг қулай ва энг муҳим таркибий қисм сувдир. Кунига 1,5 литргача газсиз тоза сув ичиш қон ивишида самара беради.

Мавзуга доир: Агар кунига икки литр ёки ундан ортиқ сув ичилса, организмда қандай ўзгариш юз беради?

Қон босимини пасайтирадиган маҳсулотлар

Юқорида айтиб ўтилган маҳсулотларнинг барчаси қон босимини пасайтиришда яхши натижа беради. Аммо туз истеъмолини камайтириш қон босимини барқарорлаштиришда асосий омил бўлиб қолаверади.

Гемореологияни, холестерин даражасини нормаллаштириш учун истеъмол қиладиган ҳар қандай маҳсулотга туз қўшилмаслиги керак. Туздан воз кечилганда қон босими пасаяди ва бу ўз-ўзидан инсульт хавфини камайтиради.

Мавзуга доир: Холестерин миқдорини камайтиришга ва қон томирларни ҳимоялашда ёрдам берувчи маҳсулотлар