Pomidor, zanjabil va qonni suyultiruvchi boshqa tabiiy mahsulotlar

Yurak-qon tomir kasalliklari hali ham o‘limlar soni bo‘yicha birinchi o‘rinda turadi, shuning uchun butunlay sog‘lom va yosh bo‘lganda ham, ularning oldini olish haqida o‘ylash kerak. Millionlab odamlar duch keladigan eng keng tarqalgan muammolardan biri qonning quyuqlashishidir. Buning sabablari juda ko‘p bo‘lishi mumkin — to‘yib ovqatlanmaslikdan jiddiy surunkali kasalliklargacha va kechiktirilgan koronavirus oqibatlari. Albatta, buning oldini ratsionga ba’zi mahsulotlarni qo‘shish orqali olish mumkin.

Suv

Eng muhimi, ko‘proq suv ichish kerak, chunki qonning quyuqlashishi ko‘pincha tananing suvsizlanishi bilan bog‘liq. Kuniga 2-2,5 litr toza suv ichish tavsiya etiladi. Agar ko‘p miqdorda qahva yoki choy ichilsa, suv miqdorini yanada oshirish lozim. Sababi kofeinli ichimliklar tanadagi suyuqlik yetishmovchiligining shakllanishiga hissa qo‘shadi.

Zanjabil

Yurak-qon tomir salomatligini saqlashda eng samarali mahsulotlardan biri — zanjabildir. Uning ildizida ko‘p miqdorda gingerol va to‘yinmagan yog‘li kislotalar mavjud. Zanjabil nafaqat qon tomirlarini tozalash va qonni suyultirishga yordam beradi, balki butun tanaga kompleks kuchaytiruvchi ta’sir ko‘rsatadi.

Pomidor

Pomidor C vitamini, salitsilatlar va kuchli tabiiy antioksidant — likopenga boy. Ular qonni suyultiradi va qon tomirlarida yomon xolesterin to‘planishining oldini oladi.

Golubika

Bu rezavor haqiqiy foydali mahsulotdir. Golubika mahsulotlarning antioksidant qiymati bo‘yicha xalqaro tasnifi ro‘yxatida deyarli birinchi o‘rinda turadi. Antioksidantlar tanani mustahkamlaydi va hujayralarni erkin radikallarning shikastlanishidan himoya qiladi. A, C vitaminlari va o‘simlik birikmalari qon quyqalarining shakllanishiga to‘sqinlik qiladi va uni suyultiradi.

Yog‘li baliq

Yog‘li baliq yurak va butun tananing salomatligi uchun foydali moddalar omboridir. Muntazam ravishda baliq iste’mol qilish yurak-qon tomir tizimi kasalliklarining oldini oladi, qonni suyultiradi, immunitetni mustahkamlaydi va qarish jarayonini sekinlashtiradi.