Тошкент тиббиёт академиясининг 2-клиникасида жарроҳлик амалиётлари 15 соатга тўхтатилгани айтилмоқда.
«Дарё» мухбири Тошкент тиббиёт академиясининг 2-клиникасида бўлиб, шифохонада даволанаётган беморларнинг аҳволи қай даража экани, уларга суний нафас бериш аппаратлари қандай ишлаётгани ҳақида бўлим мудири Сардор Эшонқуловдан изоҳ бериши сўради. Бўлим мудири маълумот беришга раҳбариятдан рухсат йўқлигини айтиб, сўровни рад этди.
Ўз исмини ошкор қилишни истамаган клиника шифокорининг айтишича, жарроҳлик операциялари 15 соатга тўхтатилиши ҳақида топшириқ келган. Ўта оғир опрециялар учун хона тайёрлаб қўйиш айтилган.
Аввалроқ Соғлиқни сақлаш вазирлиги матбуот котиби Фурқат Санаев «Дарё»га берган қисқача интервьюсида хавотирга ўрин йўқлиги, «свет» ўчгани шифохоналардаги операция жараёнларига хавф туғдирмаслигини айтиб ўтган эди.
Энергетика вазирлигининг маълум қилишича, Қозоғистон Электр тармоғида катта авария бўлиши оқибатида Олмаота, Чимкент, Тарас, Туркистон (вилоятларида) ва атроф ҳудудларида электр энергия таъминотида ўчишлар юзага келган. Вазирлик маълумотларига кўра, ҳозирда Тошкент вилоятидаги Чорвоқ, Хожикент ва Товоқсой гидроэлектр станциялари, Навоий вилоятидаги Навоий иссиқлик электр станцияси, Қорақалпоғистон Республикасидаги Тахиатош иссиқлик электр станцияси ҳамда Фарғона вилоятидаги Фарғона иссиқлик электр маркази орқали энергетика тизимига қувват узатиш бошланган.
Изоҳ (0)