Ўзбекистоннинг аксарият ҳудудларида электр энергияси узилиши операция жараёнларига таъсир қилмайди. Бу ҳақда Соғлиқни сақлаш вазирлиги матбуот котиби Фурқат Санаев «Дарё»га маълум қилди.
Унинг айтишича, «свет» ўчишидан хавотирланишга ўрин йўқ.
«Барча операцион блоклар замонавий жиҳозланган ва қўшимча таъминот генераторларига уланган. Фавқулодда ‘свет’ ўчса, зудлик билан иккинчи линияга уланади. Вазирлик жараённи назоратга олган ва ҳар бир ҳудуд бўйича чоралар кўриляпти», — дейди матбуот котиби.
«Касалхонада свет ўчиши билан генератор уланди. Операция жараёнлари давом этмоқда. Бизда операцион блок ва реанимация бўлимларига генератор уланган. Шу сабабли ҳозирча токдан муаммо бўлгани йўқ», — дея таъкидлаган шифокор.
Ўрганишларга кўра, ез тиббий ёрдам хизмати билан уланиб бўлмаяпти.
Электр энергиясидаги узилишлар сабаб Тошкент метрополитени тўхтаган, республикадаги барча поездлар ўз манзилларига кечикиб етиб бориши айтилмоқда.
Энергетика вазирлигининг маълум қилишича, Қозоғистон Электр тармоғида катта авария бўлиши оқибатида Олмаота, Чимкент, Тарас, Туркистон (вилоятларида) ва атроф ҳудудларида Электр энергия таъминотида ўчишлар юзага келган. Тошкент шаҳар ИИББ эса тибандликларнинг олдини олиш мақсадида кўчага зарурат бўлмаса, шахсий машинада чиқмасликни тавсия қилмоқда.
Изоҳ (0)