Тошкент шаҳрининг барча ҳудудларида электр энергияси ўчгани сабабли Тошкент метрополитенининг барча йўналишларида вақтинчалик метро ҳаракати тўхтади. Бу ҳақда метрополитен матбуот хизмати хабар берди.
Маълум қилинишича, носозлик бартаф этилганидан сўнг, Тошкент метрополитен йўловчиларга доимий жадвал асосида хизмат кўрсатишни давом эттиради.
Шунингдек, «Ўзбекистон темир йўллари»нинг маълумотларига кўра, республикада кенг қамровли электр энергияси таъминоти узилгани боис айрим йўловчи поездларнинг ўз манзилларига етиб бориш кечикмоқда.
«Тошшаҳартрансхизмат»нинг маълум қилишича, Тошкент шаҳрида электроэнергия таъминотида узилишлар кузатилаётгани сабабли автобусларнинг ҳаракатини кузатиб бориш учун мўлжалланган мобил иловаларга маълумотлар узатилишида узилишлар бўлиши мумкин.
Аввалроқ 25 январь куни соат 11:00 ларда Тошкентнинг кўплаб туманларида электр энергияси таъминоти узилгани тўғрисида хабар берилганди. Маълумотларга кўра, электр энергияси Юнусобод, Чилонзор, Олмазор, Яшнобод, Бектемир, Миробод, Шайхонтоҳур ва бошқа қатор туманларда ўчган. Шунингдек, электр энергияси таъминоти билан боғлиқ муаммолар нафақат Тошкент шаҳрида, балки Чирчиқ, Наманган, Самарқанд, Жиззах ва Қўқон шаҳарлари ҳам кузатилмоқда.
Энергетика вазирлигининг маълум қилишича, Қозоғистон Электр тармоғида катта авария бўлиши оқибатида Олмаота, Чимкент, Тарас, Туркистон (вилоятларида) ва атроф ҳудудларида Электр энергия таъминотида ўчишлар юзага келган. Тошкент шаҳар ИИББ эса тибандликларнинг олдини олиш мақсадида кўчага зарурат бўлмаса, шахсий машинада чиқмасликни тавсия қилмоқда.
Изоҳ (0)