Тошкент вилоятидаги Чорвоқ, Хожикент ва Товоқсой гидроэлектр станциялари, Навоий вилоятидаги Навоий иссиқлик электр станцияси, Қорақалпоғистон Республикасидаги Тахиатош иссиқлик электр станцияси ҳамда Фарғона вилоятидаги Фарғона иссиқлик электр маркази орқали энергетика тизимига қувват узатиш бошланди. Бу ҳақда Энергетика вазирлиги хабар берди.
Маълум қилинишича, республиканинг айрим ҳудудларида электр таъминоти тикланмоқда. Вазирлик матбуот хизмати ҳолат юзасидан қўшимча маълумот бериб борилишини билдирган.
Фавқулодда вазиятлар вазирлиги электр тармоқларида юзага келган узулишлар сабабли газ ва электр билан боғлиқ кўнгилсиз вазиятларни олдини олиш мақсадида, газ ҳамда электр мосламаларини назорат қилиш ва тармоқдан вақтинча узиб қўйишни сўрамоқда.
Электр энергиясидаги узилишлар сабаб Тошкент метрополитени тўхтаган, республикадаги барча поездлар ўз манзилларига кечикиб етиб бориши айтилмоқда. Энергетика вазирлигининг маълум қилишича, Қозоғистон Электр тармоғида катта авария бўлиши оқибатида Олмаота, Чимкент, Тарас, Туркистон (вилоятларида) ва атроф ҳудудларида Электр энергия таъминотида ўчишлар юзага келган. Тошкент шаҳар ИИББ эса тибандликларнинг олдини олиш мақсадида кўчага зарурат бўлмаса, шахсий машинада чиқмасликни тавсия қилмоқда.
Изоҳ (0)