19 январь куни кечқурун Украина президенти Владимир Зеленский Россиянинг мамлакатга ҳужум қилиши мумкинлиги юзасидан украиналикларга видеомурожаат қилди. «Ваҳимага ўрин йўқ. Украина ва дунёга ишонч билан» номли мурожаат президент девонининг веб-сайтига жойланди.
Зеленский ахборот майдонида Россия «эртагаёқ» Украинага бостириб киришга тайёрлиги ҳақида кўплаб хабарлар тарқалаётганини таъкидлади.
«Бунинг нимаси янгилик. Саккиз йил давомида бу ҳақиқат эмасмиди, босқин 2014 йилда бошланмаганмиди? Уруш хавфи энди пайдо бўлдими? Бу хавф-хатарлар бир кунда юзага келгани ҳам, аввалгидан ортгани ҳам йўқ. Уларнинг атрофида бундан катта шов-шувлар бўлганди. Ҳозир эса одамларда ташвиш ҳиссини уйғотиш учун улар еримизга эмас, балки сизнинг асабингизга ҳужум қилмоқда.Владимир Зеленский Украина ҳамкорларини нафақат сўзда фаол бўлишга, балки Россия агрессиясига қарши туриш учун аниқ чоралар кўришга тайёрлигини билдиришга чақирди.Ҳозир ягона хавотирли нарса — саккиз йиллик урушдан кейин ҳам ваҳима қўзғатишимиз: ҳисобимиздан пулларни ечиб олиб, жавонлардаги ҳамма нарсани йиғиштириб, дўстларимиз ва танишларимизга сохта ва даҳшатли ҳикояларни сўзлашимиз. Буни фуқароларимизнинг барчаси, айниқса, кексалар яхши тушуниши керак. Тинчланишингиз керак! Барча ОАВлар оммавий истерия эмас, матбуот бўлиши керак. Шов-шув ортидан қувиб, душманга ёрдам берманг. Ҳар куни эртага уруш бўлиши мумкинлиги ҳақида хабар бериш уни тўхтатиб қолмайди», — деди Украина президенти ўз нутқида.
«Украина урушни истамайди, лекин ҳар доим бунга тайёр туриши керак. У қўрқмайди, ахир ўз ерини ҳимоя қилмоқда. У таслим бўлмайди, чунки бу ер бизники, ҳеч қаерга қочиш йўқ. Украина мудофаа қобилиятини доимий равишда мустаҳкамламоқда. Бизнинг кучли, жасур, ҳамма нарсага тайёр армиямиз бор ва у энди шаклланиб қолгани йўқ», — дея якунлади Зеленский.2021 йил кузидан бери ғарб ОАВлари Украина чегаралари яқинида Россия қўшинлари тўплангани ҳақида хабар бериб, Россия Украина ҳудудига бостириб кириши мумкинлигини тахмин қилмоқда. АҚШ расмийларининг баёнотларига кўра, чегаралар яқинида 100 мингга яқин аскар тўпланган. Россия ҳукумати эса қўшинларнинг ҳаракатини машғулот сифатида тушунтириб, бирор давлатга ҳужум қилиш нияти йўқлигини таъкидламоқда. АҚШ Россия 2014 йилги схемани қўллаши ва Украина чегарасини кесиб ўтиш учун «спекулятив тушунтиришлар ва баҳоналар» ишлатишидан хавотирда.
Изоҳ (0)