19-yanvar kuni kechqurun Ukraina prezidenti Vladimir Zelenskiy Rossiyaning mamlakatga hujum qilishi mumkinligi yuzasidan ukrainaliklarga videomurojaat qildi. “Vahimaga o‘rin yo‘q. Ukraina va dunyoga ishonch bilan” nomli murojaat prezident devonining veb-saytiga joylandi.
Zelenskiy axborot maydonida Rossiya “ertagayoq” Ukrainaga bostirib kirishga tayyorligi haqida ko‘plab xabarlar tarqalayotganini ta’kidladi.
“Buning nimasi yangilik. Sakkiz yil davomida bu haqiqat emasmidi, bosqin 2014-yilda boshlanmaganmidi? Urush xavfi endi paydo bo‘ldimi? Bu xavf-xatarlar bir kunda yuzaga kelgani ham, avvalgidan ortgani ham yo‘q. Ularning atrofida bundan katta shov-shuvlar bo‘lgandi. Hozir esa odamlarda tashvish hissini uyg‘otish uchun ular yerimizga emas, balki sizning asabingizga hujum qilmoqda.Vladimir Zelenskiy Ukraina hamkorlarini nafaqat so‘zda faol bo‘lishga, balki Rossiya agressiyasiga qarshi turish uchun aniq choralar ko‘rishga tayyorligini bildirishga chaqirdi.Hozir yagona xavotirli narsa — sakkiz yillik urushdan keyin ham vahima qo‘zg‘atishimiz: hisobimizdan pullarni yechib olib, javonlardagi hamma narsani yig‘ishtirib, do‘stlarimiz va tanishlarimizga soxta va dahshatli hikoyalarni so‘zlashimiz. Buni fuqarolarimizning barchasi, ayniqsa, keksalar yaxshi tushunishi kerak. Tinchlanishingiz kerak! Barcha OAVlar ommaviy isteriya emas, matbuot bo‘lishi kerak. Shov-shuv ortidan quvib, dushmanga yordam bermang. Har kuni ertaga urush bo‘lishi mumkinligi haqida xabar berish uni to‘xtatib qolmaydi”, — dedi Ukraina prezidenti o‘z nutqida.
“Ukraina urushni istamaydi, lekin har doim bunga tayyor turishi kerak. U qo‘rqmaydi, axir o‘z yerini himoya qilmoqda. U taslim bo‘lmaydi, chunki bu yer bizniki, hech qayerga qochish yo‘q. Ukraina mudofaa qobiliyatini doimiy ravishda mustahkamlamoqda. Bizning kuchli, jasur, hamma narsaga tayyor armiyamiz bor va u endi shakllanib qolgani yo‘q”, — deya yakunladi Zelenskiy.2021-yil kuzidan beri g‘arb OAVlari Ukraina chegaralari yaqinida Rossiya qo‘shinlari to‘plangani haqida xabar berib, Rossiya Ukraina hududiga bostirib kirishi mumkinligini taxmin qilmoqda. AQSh rasmiylarining bayonotlariga ko‘ra, chegaralar yaqinida 100 mingga yaqin askar to‘plangan. Rossiya hukumati esa qo‘shinlarning harakatini mashg‘ulot sifatida tushuntirib, biror davlatga hujum qilish niyati yo‘qligini ta’kidlamoqda. AQSh Rossiya 2014-yilgi sxemani qo‘llashi va Ukraina chegarasini kesib o‘tish uchun “spekulyativ tushuntirishlar va bahonalar” ishlatishidan xavotirda.
Izoh (0)