Марказий банк бошқаруви 19 январь куни бўлиб ўтган навбатдаги йиғилишда асосий ставкани ўзгаришсиз — йиллик 14 фоиз даражасида сақлаб қолиш тўғрисида қарор қабул қилди.
Эслатиб ўтамиз, 2018 йил бошида йиллик ставка 14 фоиз этиб тасдиқлаганди. 2019 йилда ушбу ставка 16 фоизгача кўтарилган. 2020 йил март ойида ҳам базавий ставка ўзгаришсиз қолдирилиб, 16 фоиз деб белгиланганди.
Марказий банк бошқарувининг 2020 йил 14 апрелдаги қарори билан асосий ставка 1 фоизга пасайтирилиб, йиллик 15 фоиз даражасида белгиланган. Июнь ойида эса Марказий банк асосий ставкани пасайтириши ҳақида хабарлар тарқалди, бироқ 11 июнь куни асосий ставка бўйича қарор қабул қилинган ва у 15 фоиз миқдорида ўзгаришсиз қолдирилганди.
2020 йил 10 сентябрь куни Марказий банк бошқаруви асосий ставкани 1 фоизга пасайтириб, 14 фоиз этиб белгилади. Шундан буён асосий ставка йиллик 14 фоиз даражасида ўзгаришсиз қолдирилмоқда.
Таққослаш учун, айни пайтда қўшни давлатларда, хусусан Тожикистонда асосий ставка 13,25 фоиз, Қозоғистонда 9,75 фоиз, Қирғизистонда 8 фоиз, Туркманистонда эса 5 фоиз этиб белгиланган.
Изоҳ (0)