Амирсой дам олиш масканидаги канатлар олдига 19 январь куни кечга томон катта масштабда қор кўчкиси тушди.
Чимён қор кўчки станцияси кузатувчиси Алберт Поповга кўра, ушбу ҳодисадан ҳеч ким зарарланмаган. Қор кўчки станцияси кучли қор бўрон кузатилиши тўғрисидаги огоҳлантирувчи хат асосида, дам олиш сиҳатгоҳи, аҳолини вақтинча қабул қилмаган.
ФВВ хизмати қор кўчки атрофини зудлик билан огоҳлантирувчи тўсиқлар билан ўраб олган.
Мутахассиснинг таъкидлашича, Амирсой дам олиш масканига яқин ҳудудларда 16 январда иккита катта ҳажмда қор кўчкилар кузатилган. Қор кўчкиларидан талафотлар бўлмаган.
«Ўзгидромет» етакчи мутахассиси Эркин Абдулаҳатовнинг маълум қилишича, 19 январь куни Амирсой дам олиш масканида кучли қор бўронлар кузатилган.
Эслатиб ўтамиз, Республика Гидрометеорология маркази Ўзбекистон тоғли ҳудудларида 19 январгача қор кўчиши хавфи мавжудлигидан огоҳлантирганди.
Мавзуга доир: Видео: Қордан тозаланаётган Қамчиқ довони йўллари
Изоҳ (0)