Markaziy bank boshqaruvi 19-yanvar kuni bo‘lib o‘tgan navbatdagi yig‘ilishda asosiy stavkani o‘zgarishsiz — yillik 14 foiz darajasida saqlab qolish to‘g‘risida qaror qabul qildi.
Eslatib o‘tamiz, 2018-yil boshida yillik stavka 14 foiz etib tasdiqlagandi. 2019-yilda ushbu stavka 16 foizgacha ko‘tarilgan. 2020-yil mart oyida ham bazaviy stavka o‘zgarishsiz qoldirilib, 16 foiz deb belgilangandi.
Markaziy bank boshqaruvining 2020-yil 14-apreldagi qarori bilan asosiy stavka 1 foizga pasaytirilib, yillik 15 foiz darajasida belgilangan. Iyun oyida esa Markaziy bank asosiy stavkani pasaytirishi haqida xabarlar tarqaldi, biroq 11-iyun kuni asosiy stavka bo‘yicha qaror qabul qilingan va u 15 foiz miqdorida o‘zgarishsiz qoldirilgandi.
2020-yil 10-sentabr kuni Markaziy bank boshqaruvi asosiy stavkani 1 foizga pasaytirib, 14 foiz etib belgiladi. Shundan buyon asosiy stavka yillik 14 foiz darajasida o‘zgarishsiz qoldirilmoqda.
Taqqoslash uchun, ayni paytda qo‘shni davlatlarda, xususan Tojikistonda asosiy stavka 13,25 foiz, Qozog‘istonda 9,75 foiz, Qirg‘izistonda 8 foiz, Turkmanistonda esa 5 foiz etib belgilangan.
Izoh (0)