«Реал» ҳужумкор ярим ҳимоячиси Эден Азар мадридликлар жамоасини тарк этмоқчи.
RМC Sport журналисти Саша Тавольери бельгиялик футболчининг бундай қарорга келишига сал олдин жамоада содир бўлган воқеа сабаб бўлгани ҳақида ёзди.
Гап шундаки, Мадрид жамоаси шифокорлари Азарга яна бир бор жарроҳлик амалиётини амалга оширишни маслаҳат берган, аммо «Реал» президентни Флорентино Перес операция шарт эмаслигини айтган. Перес бельгиялик футболчининг кўпроқ ўйнашини, бу орқали эса уни сотишга имкон пайдо бўлишини хоҳлаган.
Жорий мавсумда 31 ёшли футболчи «қаймоқранглилар»нинг барча мусобақалардаги 16 та ўйинида иштирок этиб, иккита голли узатмани амалга оширган.
«Реал» Азарни 2019 йилнинг ёзида «Челси»дан сотиб олганди. Мадридликлар ушбу трансферга 100 миллион евродан ортиқ маблағ сарфлаган.
Янада кўпроқ футбол ва спорт янгиликларидан boxабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)