Карим Бензема агар «Реал» «Боруссия Д» ҳужумчиси Эрлинг Ҳоландни сотиб олса, клубни тарк этади. Бу ҳақда El Nacional’га таяниб, «Чемпионат» хабар берди.
Қайд этилишича, 34 ёшли франциялик ҳужумчи клуб президенти Флорентино Пересга фаолиятини «Реал»да давом эттириш истаги борлиги ҳақида маълум қилган, аммо агар клуб Ҳоланд билан шартнома имзоласа, кетиш ҳақида ўйлаб кўради. Бироқ «қаймоқранглилар» «ПСЖ» форварди Килиан Мбаппени қўлга киритган тақдирда, Бензема «Реал»да қолиши мумкин.
Бенземанинг «Реал» билан шартномаси 2023 йилнинг ёзида якунига етади. Ҳужумчи 2021/22 йилги мавсумда Ла Лигада 20 та ўйинда майдонга тушиб, 17 та гол урди ва 7 та голли узатмани амалга оширди. У, шунингдек, Чемпионлар Лигасидаги 5 та ўйинда 5 та гол ва 1 та ассист қайд этди.
Аввалроқ ёзда эркин агентга айланадиган Мбаппенинг «Реал»га ўтиши ва ҳатто битим шартларигача келишувга эришгани ҳақида бир неча бор хабар берилганди. Шунингдек, Ҳоланд ҳам агенти Мино Райолага «Реал» билан шартнома имзоламоқчи эканлигини айтганди.
Изоҳ (0)