Футбол бўйича ОФК Кубогининг 2022 йилги мавсуми гуруҳ босқичига 17 январь, душанба куни қуръа ташланди.
Унга кўра, мусобақада иштирок этадиган ўзбек клуби E гуруҳидан жой олди. Ҳозирда икки ўзбек клубининг мусобақада қатнашиш эҳтимоли мавжуд: «Насаф» Чемпионлар Лигаси плей-офф босқичида «Банияс» (БАА) устидан ғалаба қозонса, Ўзбекистон чемпионатида 2-ўринни эгаллаган «Сўғдиёна» ОФК Кубоги E гуруҳидан ўрин эгаллайди. «Аждарлар» БАА клубига мағлуб бўлган тақдирда қаршиликларнинг ўзи ОФК Кубогига йўл олади, «Сўғдиёна» эса 2022 йилги мавсумда халқаро мусобақаларда иштирок эта олмайди.
Қайд этиш керак, E гуруҳидан Марказий Осиё давлатлари клублари ўрин олди.
ОФК Кубоги E гуруҳи
- «Насаф»/«Сўғдиёна»
- «Олтин Аср» (Туркманистон)
- «ЦСКА» (Тожикистон)
- «Нефтчи» (Қирғизистон).
Изоҳ (0)