Ўзбекистондаги умумтаълим мактабларида қишки таътил 1 мартгача узайтирилгани ҳақида хабарлар тарқалди. Халқ таълим вазирлиги матбуот хизмати бу хабарларни рад этди.
Вазирлик ўқувчиларнинг қишки таътил муддати 24 январга қадар узайтирилганини эслатган ва Халқ таълими вазирлигига доир барча хабарларни фақат вазирликнинг расмий саҳифасидан олиш мумкинлигини билдирган.
Эслатиб ўтамиз, Ўзбекистонда талаба ва ўқувчилар учун қишки таътил 25 декабрдан бошланган эди. Таътил 2022 йилнинг 10 январигача давом этиши ва дарс жараёнлари 11 январдан бошланиши белгиланганди. Кейинроқ олий таълим муассасаларининг талабалари, академик лицей ва ҳунар мактаблари ўқувчилари учун қишки таътил муддати 24 январгача узайтирилди. Бунга сабаб қилиб ректорлар, проректорлар, деканлар ва молия масалаларига масъуллар учун ўз касбий маҳоратини ошириш, янгича тартибда ишлашни бошлаш мақсадида 2022 йил 10—24 январь кунлари амалий семинар-тренинглар ташкил этилиши кўрсатилган.
Кейинчалик мактабларда ҳам, хусусий таълим ташкилотларида ҳам қишки таътил 24 январгача узайтирилди.
Изоҳ (0)