40 ёшли Ибраҳимович топ-5 лигаларда 80 хил жамоага гол урди. Фақат Роналду бу кўрсаткични қайд эта олган

Златан Ибраҳимович А Серия 21-тури доирасида «Венеция»га қарши кечган учрашувда (3:0) гол муаллифига айланганди.

40 ёшли швециялик футболчи миллий чемпионатлар доирасида 1999 йилдан бери кетма-кет гол уриб келмоқда. «Венеция» у лига доирасидаги ўйинларда гол урган 125-жамоа бўлди.

Шунингдек, Ибраҳимович Европа топ-5 лигалари доирасида 80-жамоага тўп киритди ва бу борада энг яхши кўрсаткичга эга Криштиану Роналдуга етиб олди. Роналду 30 декабрь куни «Бёрнли»га қарши баҳсда мазкур натижани қайд этганди.

Ибра АПЛда «Ман Юнайтед», Ла Лигада «Барселона», Лига 1 да «ПСЖ», А Серияда эса «Интер» ва «Ювентус» жамоаларида ҳам тўп тепган. Роналду эса топ-5 лигаларнинг «Манчестер Юнайтед» (АПЛ), «Реал Мадрид» (Ла Лига) ва «Ювентус» (А Серия) каби клубларида ҳаракат қилган.

1. Криштиану Роналду — 80 хил клуб
2. Златан Ибраҳимович — 80
3. Юрген Клинсманн — 75
4. Эдин Жеко — 69
5. Юрий Жоркаэфф — 68
6. Тьерри Анри — 65
7. Пьер-Эмерик Обамеянг — 63
8. Эдинсон Кавани — 62
9. Алексис Санчес — 62
10. Фернандо Торрес — 61.