Бундан 60 йил аввал 1962 йил 10 январда Перуда Уаскаран тоғида қор кўчиши оқибатида соатига 150 километр тезлик билан ҳаракатланган 3 миллион квадрат метр майдонга эга тошлар, қум, шағал, муз парчалари, қор ва муз уюми 4 мингга яқин одамнинг ҳаётига зомин бўлганди. «Коммерсантъ» шу мудҳиш воқеа ва бошқа энг катта қор кўчишлари ҳақидаги фотогалереяни тақдим этган. Дарё унинг таржимасини эътиборингизга ҳавола қилади.
1970 йил 31 майда Перудаги Уаскаран тоғида кучли зилзила содир бўлган, оқибатда қоялардан 5 миллион квадрат метр ҳажмдаги қор ва муз кўчган. Қор кўчишининг тезлиги соатига 320 километргача етган, Ranраирк қишлоғи ҳамда Юнгай шаҳри кўчки остида қолди. 70 минг нафарга яқин одам ҳалок бўлди. Яна 500 минг нафар аҳоли уйсиз қолди.
1916 йил 16 декабрь, Биринчи жаҳон уруши даврида Алп тоғларидаги қор кўчкиси Австрия-Италия фронтининг олти мунгдан зиёд аскарини ҳаётдан олиб кетган. Кейинчалик мазкур қор кўчиши оқибатида Алп тоғларида ҳалок бўлган ҳарбийларнинг умумий сони 10 мингдан ошган.
1962 йил 10 январда яна Перудаги Уаскаран тоғининг энг баланд чўққисидан қор кўчган, 1 километр кенгликдаги, 30 метр қалинликдаги тоғ парчаси 7 дақиқа ичида Ranаирк шаҳарчасига етиб келган ва камида олтита қишлоқни вайрон қилган. Табиат ҳодисаси туфайли 4 мингдан зиёд одам ҳалок бўлган.
2015 йил 24 – 28 февралда Афғонистон шимоли-шарқидаги вилоятлар ҳудудида қор кўчди ва 310 нафар инсон нобуд бўлди. Фалокат мамлакат шимолида кузатилган кучли қор бўронлари туфайли юзага келган.
1951 йил 20 январда Алп тоғларининг Швейцария, Австрия ва Италия ҳудудларидаги қисмларида қор кўчган ва 245 нафар киши ҳаётдан кўз юмган. 45 минг аҳоли бир неча ҳафта давомида ташқи дунёдан бутунлай узилиб қолган.
1970 йил 10 февралда Алп тоғларининг Франциядаги қисмида қор кўчкиси юз берган ва Валд-дъИзер меҳмонхонаси қор остида қолган. Мазкур фалокатда 200 дан зиёд одам ҳалок бўлган.
2017 йил 5 – 10 февралда Афғонистонда кучли қор ва совуқ иқлим туфайли қор кўчкиси содир бўлган, ҳодиса 190 дан зиёд кишини ҳалок қилган. Ноқулай об-ҳаво 22 та вилоятга таъсир кўрсатган. Энг кўп қурбон берган ҳудуд Нуристон шаҳри эди.
2010 йил 9 февралда Афғонистондаги Саланг довонидаги Ҳиндикуш тоғларида қор кўчган ва 170 нафар киши ҳалок бўлган. Тоғ автойўлларида 3 мингга яқин одам қолиб кетган. Довон йўли қор, муз ва тош уюмларидан февраль ўрталарида тозаланган. Довонда қолиб кетган одамларга озиқ-овқат маҳсулотлари ва палаткалар ҳарбий вертолётлар воситасида етказиб берилган.
2012 йил 7 апрелда Покистонда қор бўрони оқибатида Сиачен муз қоясида кўчки юз берган. Муз уюми Гаяри чегара ҳарбий базаси устига ёпирилган. Базада хизматни ўтаган барча 138 аскар ҳалок бўлган.
2002 йил 20 сентябрда Россияда, Шимолий Осетиянинг кармадон дарасида Колка муз қоясидаги кўчки 125 нафар одамни ҳалок қилган. 50 метр қалинликдаги муз, қор, лой ва тошлар даранинг 30 километрлик майдонини қоплаб олган. Қуйи Камадон қишлоғи бутунлай вайрон бўлган. «Связной» фильмини суратга олиш гуруҳи, актёр ва режиссёр кичик Сергей Бодров билан бирга ҳалок бўлган.
Изоҳ (0)