Танзания шимолида енгил автомобиль ҳамда микроавтобус иштирокида юз берган йўл-транспорт ҳодисаси оқибатида камида 14 нафар одам ҳалок бўлди, қурбонлар орасида 6 нафар журналист ҳам бўлган. Бу ҳақда Бусеге округи полиция бўлинмаси раҳбари Габриэль Закария маълум қилган, деб ёзмоқда The Citizen.
Журналистлар Симийю вилоятига танишув саёҳатини амалга ошираётганди. ЙТҲ оқибатида ITV телеканалининг икки нафар ходими, икки нафар жамоатчилик билан алоқалар мутахассислари, Habari Leo нашри ишчиси ва уларнинг ҳайдовчиси ҳаётдан кўз юмган.
«Мен бугун тонгда Мванза автоколланасидаги машинанинг йўналиш таксиси билан тўқнашуви оқибатида 14 нафар одамнинг, хусусан 6 нафар журналистнинг ўлимидан чуқур қайғудаман. Ҳалок бўлганларнинг оила аъзоларига, журналистларга ҳамдардлик билдираман», – деб ёзган Танзания президенти Самия Сулуху Ҳасан Twitter’да.
Йўл-транспорт ҳодисасига нима сабаб бўлгани ва у қандай шароитда келиб чиққани полиция томонидан аниқлаштирилмоқда.
Аввал Мексикада ноқонуний муҳожирларни олиб кетаётган юк машинаси ағдарилиб кетиб, 50 дан ортиқ одам ҳалок бўлгани, Германияда автомобиль кўпригига фавқулодда қўнган самолёт юк машинаси билан тўқнашгани, Россияда блогер Саид Губденский бошқарувидаги машина ЙТҲга учрагани, блогер воқеа жойида, унинг ҳамроҳи шифохонада вафот этгани ҳақида хабарлар берилган.
Изоҳ (0)