Наманган вилояти Чуст туманида банк ходими фуқаронинг пулларини ўмарди, дея хабар қилмоқда вилоят Ички ишлар бошқармаси.
Маълум қилинишича, 28 декабрь куни шу туманда яшовчи фуқаро (1968 йилда туғилган) ИИБга ариза билан мурожаат қилган. У ўз номига расмийлаштирилган АТБ «Агробанк»ка тегишли пластик картасидан 45 миллион 600 минг сўм пулни номаълум шахс ечиб олганини маълум қилиб, чора кўришни сўраган.
Олиб борилган тезкор-қидирув ва суриштирув ҳаракатлари натижасида жиноятни Янгиқўрғон туманида яшовчи банк ходими (1991 йилда туғилган) содир этгани аниқланган.
Ҳолат юзасидан Жиноят кодексининг 169-моддаси (ўғрилик) 3-қисми билан жиноят иши қўзғатилган.
Ушбу жиноятни содир этган шахс беш йилдан саккиз йилгача озодликдан маҳрум қилиш билан жазоланади.
Мавзуга доир:
- Жиззахда мижозларининг пластик карталаридаги пулларни ўмариб келган банк ходими аниқланди
- Самарқандда мансабдор шахслар ва ҳуқуқни муҳофаза қилувчи орган ходимлари раҳбар бўлган жиноий гуруҳ аниқланди
- Тошкентда ипотека кредити ажратиб бериш эвазига фуқародан 2 минг доллар талаб қилган банк бўлими бошлиғи ушланди
Изоҳ (0)