Namangan viloyati Chust tumanida bank xodimi fuqaroning pullarini o‘mardi, deya xabar qilmoqda viloyat Ichki ishlar boshqarmasi.
Ma’lum qilinishicha, 28-dekabr kuni shu tumanda yashovchi fuqaro (1968-yilda tug‘ilgan) IIBga ariza bilan murojaat qilgan. U o‘z nomiga rasmiylashtirilgan ATB “Agrobank”ka tegishli plastik kartasidan 45 million 600 ming so‘m pulni noma’lum shaxs yechib olganini ma’lum qilib, chora ko‘rishni so‘ragan.
Olib borilgan tezkor-qidiruv va surishtiruv harakatlari natijasida jinoyatni Yangiqo‘rg‘on tumanida yashovchi bank xodimi (1991-yilda tug‘ilgan) sodir etgani aniqlangan.
Holat yuzasidan Jinoyat kodeksining 169-moddasi (o‘g‘rilik) 3-qismi bilan jinoyat ishi qo‘zg‘atilgan.
Ushbu jinoyatni sodir etgan shaxs besh yildan sakkiz yilgacha ozodlikdan mahrum qilish bilan jazolanadi.
Mavzuga doir:
- Jizzaxda mijozlarining plastik kartalaridagi pullarni o‘marib kelgan bank xodimi aniqlandi
- Samarqandda mansabdor shaxslar va huquqni muhofaza qiluvchi organ xodimlari rahbar bo‘lgan jinoiy guruh aniqlandi
- Toshkentda ipoteka krediti ajratib berish evaziga fuqarodan 2 ming dollar talab qilgan bank bo‘limi boshlig‘i ushlandi
Izoh (0)