Қашқадарё вилояти Косон туманида 18 декабрь куни маст эркак танишини пичоқлаб ўлдирди. Бу ҳақда вилоят Ички ишлар бошқармаси хабар қилди.
Маълум қилинишича, шу куни соат 21:45 атрофида туманнинг «Қуйи Оброн» маҳалласида яшовчи муқаддам судланган Й.А. ҳамқишлоғи Т.Э. билан қишлоқдаги чойхонага келган. Овқатланиш жараёнида спиртли ичимликдан маст фуқаролар ўртасида жанжал юзага келган.
Оқибатда улар куч синашиш мақсадида ташқарига чиқади. Шу пайт Й.А. кабоб пишириладиган қўра ёнидаги стол устида турган пичоқни олиб, уни Т.Э.нинг пастки жағига тиқиб олади. Т.Э. олган тан жароҳати оқибатида вафот этади.
Ҳолат юзасидан Й.А.га нисбатан жиноят иши қўзғатилиб, тергов ҳаракатлари олиб борилмоқда.
Изоҳ (0)