Наманган шаҳрининг Давлатобод туманида янги кўп қаватли турар жой бинолари фойдаланишга топширилди. Бу ҳақда «Дарё» мухбири Азизбек Абдувалиев хабар бермоқда.
Туманнинг «Юксалиш» мавзесида 30 минг оила учун 330 та кўп қаватли уй, мактаб, боғча, шифохона, кичик саноат зоналари, хизмат кўрсатиш объектларини қамраб олган Янги Наманган шаҳарчаси бунёд этилмоқда.
Мавзедаги 10 та 7 қаватли уй аҳоли яшаши учун тайёр ҳолатга келтирилди. Бугун, 30 декабрь куни мазкур уйларни фойдаланишга топшириш маросими бўлиб ўтди.
Шу тариқа, 420 та оила Янги йилни янги уйларда қарши оладиган бўлди. Уларнинг болалар майдончалари ҳам барпо этилди.
Ҳозирда яна 61 уйда қурилиш ишлари жадаллик билан давом эттирилмоқда.
Янги уйларни фойдаланишга топшириш маросимида вилоят ҳокими Шавкат Абдураззоқов иштирок этди ва хонадон эгаларини қутлаб, болаларга Янги йил совғаларини топширди.
Изоҳ (0)