Ўзбекистондан Афғонистонга электр энергияси етказиб беришнинг 50 фоизга қисқариши қуввати 220 кВ бўлган иккита электр узатиш линиясидан (ЭУЛ) бирида («Наибобод-1») таъмирлаш ишлари олиб борилгани билан боғлиқ. Бу ҳақда Энергетика вазирлиги матбуот хизматига таяниб, «Gazeta.uz» хабар берди.
Афғонистоннинг Da Afghanistan Breshna Sherkat (DABS) электр энергияси миллий компанияси 29 декабрь куни Ўзбекистондаги техник муаммолар сабабли Афғонистонга электр энергияси етказиб беришни икки баравар қисқартиргани, 15 та вилоят, жумладан, Кобулда кун охиригача электр таъминотида узилишлар юзага келганини айтган эди.
«Ушбу муаммо натижасида бугунги кун охиригача импорт қилинадиган электр энергияси йўналишидаги 15 та вилоят, жумладан Кобулда ҳам электр тақчиллиги муаммосига тўқнаш келди», — дейилади энергетика компанияси сайтида.
«Тармоқни таъмирлаш ишлари якунланди ва шу тариқа аввалги етказиб бериш ҳажми ҳам тикланди», — дейилади Энергетика вазирлиги матбуот хизмати хабарида.
Изоҳ (0)