Фарғона водийси марказида қарийб 16 соатдан бери ўта қалин, давомли туман ҳодисалари кузатилмоқда, деб хабар бермоқда метереолог Эркин Абдулахатов.
Наманган метеорологик станцияси маълумотига кўра, вилоят халқаро аэропорти аэродромида кўринувчанлик ярим суткадан кўп вақт давомида 50 метрдан паст туманни ташкил этган.
NASA сунъий йўлдошидан олинган тасвирларда ҳам Фарғона вилояти шимоли, Андижон вилояти ярми ва Наманган вилояти аксар ҳудудларида кун давомида қалин туман тушгани акс этган.
Қалин туман тушган жойларда туман ҳаво ҳароратини кун давомида нол даражадан паст совуқ бўлишини таъминлаган. Баъзи ҳудудларда дарахт шохлари, симёғоч ва ўт-ўлан устида булудуруқ ҳодисаси кузатилган.
Аввалроқ «Ўзгидромет» Ўзбекистоннинг аксарият ҳудудларида 30 декабрь куни ҳам туман тушиши мумкинлигини маълум қилганди. 29 декабрь куни эрталаб эса Наманган ва Андижон аэропортларида кўриш имконияти ёмонлиги сабабли самолётлар учиш ва қўнишни амалга ошира олмади.
Изоҳ (0)