Пхеньянда Корея Меҳнат партияси марказий қўмитасининг саккизинчи чақириқ тўртинчи пленуми очилди. Бу ҳақда Корея Марказий телеграф агентлигига таяниб, «Интерфакс» хабар берди.
Хабарда келтиришича, форумга «сиёсий бюронинг топшириғига кўра» Корея Меҳнат партияси бош котиби Ким Чен Ин раислик қилмоқда.
Агентлик маълумотларига кўра, пленумда 2021 йилда сиёсатнинг асосий йўналишларида амалга оширилган масалалар кўриб чиқилади ва «Социалистик қурилиш тараққиётининг янги даврига киришиш учун партия ва халқ курашига динамик раҳбарликнинг стратегик ҳамда тактик вазифалари» бўйича қарор қабул қилинади.
Кун тартиби ва партия форумининг иш муддати тўғрисида маълумот берилмаган.
Эслатиб ўтамиз, 2021 йилнинг сентябрь охирида КХДР Жанубий Корея билан уруш тугаганини эълон қилишга ҳали эрта эканини маълум қилганди. Кейинроқ Корея Меҳнат партияси марказий қўмитаси бўлим мудири ўринбосари, Шимолий Корея раҳбарининг синглиси Ким Е Чжон Пхеньян Сеул билан Кореялараро урушнинг расман тугагани тўғрисида конструктив мулоқотга тайёр эканини айтган. Октябрь бошида Шимолий Корея Жанубий Корея билан алоқаларни тўлиқ тиклашга қарор қилди.
Изоҳ (0)