Бугун,

  • USD 11095.31
  • RUB 173.84
  • EUR 10772.44

Япония ҳукумати ёлғизликка қарши курашиш дастурини тасдиқлади. Муаммони ҳал қилиш учун кечаю кундуз ишлайдиган консультация тизими яратилади. Шунингдек, ёлғиз одамлар мулоқот қилиши ва иш топиши мумкин бўлган турли платформаларни шакллантириш режалаштирилган, дея хабар берди «Коммерсантъ».

Фото: Getty Images

Фото: Getty Images

Янги дастурга кўра, Япония ҳукумати ёлғиз фуқароларнинг аниқ сонини билиш учун аҳолини умуммиллий рўйхатга олиш ишларини ташкиллаштирмоқда. Мамлакат бош вазири девонида бу масала билан шуғулланадиган алоҳида котибият тузилган.

Февраль ойида Японияда ёлғиз аҳоли масалалари билан шуғулланувчи вазир лавозими ҳам таъсис этилганди. Ҳозир бу лавозимни паст кўрсаткичдаги туғилиш муаммолари бўйича вазир бўлиб ишлаган Сеико Нода эгаллаб турибди.

Япония ҳукумати мамлакатда пандемия ва ўз жонига қасд қилиш ҳолатлари кўпайиши фонида ёлғизлик муаммосини ҳал қилишга қарор қилганди. 2020 йилда 21 минг киши ўз жонига қасд қилган, бу аввалги йилга нисбатан 912 кишига кўпдир. Расмийларнинг таъкидлашича, муаммо, асосан, аёллар орасида кузатилади. Японияда ўз жонига қасд қилиш даражаси коронавирус пандемиясидан олдин кетма-кет ўн йил давомида камайган эди.

Ёлғизликка қарши курашиш вазири лавозими Буюк Британияда аввалроқ мавжуд эди, у 2017 йилда Британия ҳукуматининг собиқ раҳбари Тереза Мей томонидан таъсис этилган.

Изоҳ
Асосий янгиликлар
Шоу-бизнес
Фильмда рол ўйнаш учун ўзлари ҳақидаги маълумотларни қалбакилаштирган актёр ва актрислар (фото) 
Маҳаллий
Тошкентда пул эвазига ҳаж визаси ва квота олиб бермоқчи бўлганлар ушланди
Маҳаллий
Юзга тушган чандиқ, қулдорларга қарши кураш ва театрда отиб кетилган президент — Линкольн. Халқ орасида энг машҳур АҚШ президенти тақдири