Бангкок расмийлари коронавирус тарқалишига қарши курашиш мақсадида Янги йил байрами муносабати билан ўтказиладиган барча оммавий тадбирларни бекор қилди. Бу ҳақда Таиланд ҳукуматига таяниб, «Интерфакс» хабар берди.
Таъкидланишича, хусусий ташкилотларга олдингидек байрам тадбирларини ўтказишга рухсат берилган, бироқ улар қатор қатъий чеклов чораларга риоя қилиши лозим, жумладан, COVID-frее қоидаларига. Шунингдек, бу каби тадбирларга ташриф буюрувчилар камида 72 соат олдин олинган тестнинг салбий натижасини тақдим этиши керак бўлади.
Бир кун олдин Таиландда 2,5 минг кишида коронавирус аниқланди, 22 киши COVID-19 асоратлари оқибатида вафот этган. Мамлакатда пандемия бошланганидан буён 2,1 миллион ортиқ одамда коронавирус тасдиқланган.
Аввалроқ Германияда коронавируснинг «омикрон» штаммига чалинган одамлар орасида биринчи ўлим қайд этилганди. 20 декабрдан Германия «омикрон» штамми туфайли британияликларнинг мамлакатга киришини чеклаган.
Нидерландия ҳукумати «омикрон» штамми тарқалиши туфайли Европа Иттифоқи мамлакатлари орасида биринчи бўлиб локдаун жорий қилган. Исроил ҳукумати тез тарқалаётган «омикрон» штаммига қарши курашиш учун 60 ёшдан ошган фуқароларнинг барчасига вакцинанинг тўртинчи дозасини олишни тавсия қилган.
Изоҳ (0)