Бразилия ва Боливияда содир бўлган сув тошқинлари оқибатида камида 30 киши ҳалок бўлди, деб хабар беради «Korrespondent.net».
CNN телеканали маълумотларига кўра, Бразилия шимоли-шарқида кузатилган сув тошқинлари Баия штатидаги 40 га яқин аҳоли пунктини қамраб олган, 18 киши ҳалок бўлган ва 280 дан ортиқ одам жароҳат олган.
«Бу улкан фожиа. Баиянинг янги тарихида бу қадар ҳалокатли воқеа содир бўлганини эслай олмайман. Бу ростдан ҳам қўрқинчли, кўплаб бино ва кўчалар тўлиқ сув остида қолди», — дейди штат губернатори Руй Кошта.
Таъкидланишича, 35 мингдан ортиқ одам ўз уйларини тарк этишга мажбур бўлган. Итамби шаҳрида кузатилган кучли ёғингарчилик тўғон ёрилишига олиб келган, бу эса вазиятни янада ёмонлаштириши мумкин.
Бразилия метеорология хизматлари янги сув тошқинлари ва кўчкилар хавфидан огоҳлантирмоқда, чунки ёғингарчилик яна бир суткадан ортиқ давом этиши мумкинлиги айтилмоқда.
«400 дан ортиқ уйга зарар етди, уларнинг 80 таси қайта тикланишга яроқсиз. Ва бизда 13 киши ҳалок бўлгани ҳақида маълумот бор», — дейди мамлакат мудофаа вазири ўринбосари Хуан Карлос Калвимонтес.
Давомли ёғингарчилик оқибатида мамлакатдаги тўққизта департаментнинг еттитаси зарар кўрган. «Санта-Крусда вазият ҳақиқатан жуда оғир», — дея таъкидлаган у.
Сув тошқинлари оқибатида камида 1000 та оила зарар кўрган. Бир нечта аҳоли пунктларида эвакуация ишлари амалга ошириляпти.
Эслатиб ўтамиз, декабрь ўрталарида Бразилияда юз берган сув тошқини туфайли 7 киши ҳалок бўлган, минглаб одамлар эвакуация қилинганди. Ўшанда Бразилия президенти ва Бахия штати губернатори зарар кўрган ҳудудларга ташриф буюрди ва уларни қайта тиклаш учун молиявий ёрдам кўрсатишга ваъда берган эди.
Изоҳ (0)