«Россия ҳеч қачон ҳеч кимга биринчи бўлиб ҳужум қилмаган» — Дмитрий Песков

Россия ҳеч қачон ҳеч кимга биринчи бўлиб ҳужум қилмаган. Бу ҳақда Россия президентининг матбуот котиби Дмитрий Песков маълум қилди, деб хабар беради «Коммерсантъ».

«Россия ҳеч кимга биринчи бўлиб ҳужум қилмаган», — дейди Песков «Россия 1» телеканалидаги эфир вақтида.

Песков Россия Украинага ҳужум уюштириши мумкинми, деган саволга жавоб берар экан, буни кескинликни кучайтиришнинг бўш ва асоссиз оширилиши деб атаган. «Россия ҳеч кимга таҳдид уйғотмайди», — дейди у. Шу билан бирга, президент матбуот котиби бундай баёнотларни оқлаш учун провокациялар бўлиши мумкинлигини истисно этмаган.

Унинг таъкидлашича, Москва Украина жануби-шарқидаги можарони тартибга солиш, Минск ва «норманд формати»га содиқ қолиш бўйича бор кучини сарфламоқда. У Донбассдаги можарони куч билан ҳал этишга бўлган уриниш жиддий оқибатларга олиб келиши мумкинлигидан огоҳлантирган.

Эслатиб ўтамиз, 20 апрель куни Зеленский Путинга Украинанинг Донбассидаги уруш кетаётган исталган жойида учрашишни таклиф қилганди. Путин бунга жавобан агар Украина президенти Донбасс муаммосини муҳокама қилмоқчи бўлса, аввал у Донецк ва Луганск Халқ Республикаларининг раҳбарлари билан учрашиши кераклигини ва шундан кейингина учинчи томон сифатида Россия раҳбарияти билан учрашиши мумкинлигини айтган. Шунингдек, у Россия томонининг Украина билан икки мамлакат ўртасидаги муносабатлар ҳақида гаплашишга тайёрлигини билдирган ва Зеленскийни «ўзига қулай бўлган исталган вақтда» Москвага келишга таклиф қилган.