«Ўзбекистон темир йўллари» АЖ 2021 йилнинг 31 декабридан 2022 йилнинг 4 январигача, 2022 йилнинг 21—23 март ва 1—2 сентябрь кунларига байрам чегирмаларини эълон қилди.
Қайд этилишича, Шавкат Мирзиёев 20 декабрь куни «2022 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида»ги қарорни имзолаган. Унга мувофиқ:
- нафақахўрлар, ногиронлар, 1941—1945 йил уруш қатнашчилари ва уларга тенглаштирилган фуқароларга чиптанинг тариф қисмидан — 50 фоиз;
- олий ўқув юртларининг талабалари, мактаб ўқувчилари, коллеж ва лицей талабалари, ИИВ, МВ, ДХХ, ДС, ДБ махсус таълим муассасалари талабаларига чиптанинг тариф қисмидан — 15 фоиз;
- оилавий бўлиб поездга чиқса (икки ёки ундан ортиқ киши — эри ва рафиқаси, эри ёки рафиқаси ва 18 ёшгача бўлган фарзандлари, отаси ёки 18 ёшга тўлмаган боласи бўлган она) (никоҳ гувоҳномаси ва қариндошликни белгиловчи ҳужжатлар нусхаси тақдим этилган ҳолда) чиптанинг тариф қисмидан — 15 фоиз;
- бир жамоа, гуруҳ бўлиб поездга чиқса (4 кишидан ортиқ — йўриқнома асосида) чиптанинг тариф қисмидан — 15 фоиз;
- «Афросиёб» тезюрар электропоездларида барча тоифадаги йўловчиларга чиптанинг тариф қисмидан — 10 фоиз.
Аввалроқ Ўзбекистонда талабаларнинг контракт тўловларини тўлаш муддати 31 декабрга қадар узайтирилгани, Ўзбекистонда декабрь ойида аҳолининг айрим қатламига 800 минг сўмдан бир марталик ёрдам пули тарқатилиши хабар қилинганди.
Изоҳ (0)