“O‘zbekiston temir yo‘llari” AJ 2021-yilning 31-dekabridan 2022-yilning 4-yanvarigacha, 2022-yilning 21—23-mart va 1—2-sentabr kunlariga bayram chegirmalarini e’lon qildi.
Qayd etilishicha, Shavkat Mirziyoyev 20-dekabr kuni “2022-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi qarorni imzolagan. Unga muvofiq:
- nafaqaxo‘rlar, nogironlar, 1941—1945-yil urush qatnashchilari va ularga tenglashtirilgan fuqarolarga chiptaning tarif qismidan — 50 foiz;
- oliy o‘quv yurtlarining talabalari, maktab o‘quvchilari, kollej va litsey talabalari, IIV, MV, DXX, DS, DB maxsus ta’lim muassasalari talabalariga chiptaning tarif qismidan — 15 foiz;
- oilaviy bo‘lib poyezdga chiqsa (ikki yoki undan ortiq kishi — eri va rafiqasi, eri yoki rafiqasi va 18 yoshgacha bo‘lgan farzandlari, otasi yoki 18 yoshga to‘lmagan bolasi bo‘lgan ona) (nikoh guvohnomasi va qarindoshlikni belgilovchi hujjatlar nusxasi taqdim etilgan holda) chiptaning tarif qismidan — 15 foiz;
- bir jamoa, guruh bo‘lib poyezdga chiqsa (4 kishidan ortiq — yo‘riqnoma asosida) chiptaning tarif qismidan — 15 foiz;
- “Afrosiyob” tezyurar elektropoyezdlarida barcha toifadagi yo‘lovchilarga chiptaning tarif qismidan — 10 foiz.
Avvalroq O‘zbekistonda talabalarning kontrakt to‘lovlarini to‘lash muddati 31-dekabrga qadar uzaytirilgani, O‘zbekistonda dekabr oyida aholining ayrim qatlamiga 800 ming so‘mdan bir martalik yordam puli tarqatilishi xabar qilingandi.
Izoh (0)