Instagram: Уч эгизак фарзандли бўлган Шароф Муқимов, аварияга учраган Бонамур, уч ўлимдан қолган Луиза Расулова

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Шаҳзода фолловерларини ўзини севишга чақирди.

Йигитали Мамажонов ва Муқаддас Саъдуллаеванинг ўғли Абубакр илк марта «бошсиз одам» билан танишди. Болакайнинг таассуротлари унинг ота-онаси томонидан видеога муҳрланди.

Озода Нурсаидова янги фотосессиясини саҳифасига жойлади.

Таниқли актёр Алихан ўз бизнеслари ҳақида сўзлаб берди. Унинг айтишича, актёрликдан ташқари рўзғор тебратиш учун кўчмас мулк олди-сотдиси билан ҳам шуғулланади.

Улуғбек Раҳматуллаев концерт бериш учун АҚШга жўнаб кетди.

Актёр Тоҳир Саидов мухлисларига фильмлардаги қонли саҳналар қандай суратга олинишини кўрсатди.

Зарина Низомиддинова мухлисларини келаётган Янги йил билан табриклади.

Тиктокер Бонамур ўзига тегишли Gentra автомобилида аварияга учраганини маълум қилди. У ўз саҳифасига пачоқланган автомобиль ва синган iPhone расмини жойлаштирди. Тиктокернинг айтишича, унинг ўзига жиддий шикаст етмаган.

Гулчеҳра Эшонқулова қизи билан тушган суратини «Кичкина Шабнамим» деб изоҳлади. Актриса қизининг сочларини ўз қаҳрамониники сингари ўриб қўйди.

Актриса Луиза Расулова хизматга автомобилини ўзи бошқариб боришига тўғри келгани ҳамда йўлдаги хавфли вазиятлар туфайли камида уч марта ўлимдан қолгани ҳақида йиғлаб сўзлаб берди.

Болливуд юлдузи Приянка Чопра «Матрица» фильмининг тақдимотида иштирок этиш учун Сан-Францискога етиб борди.

Хонанда Шароф Муқимов бирваракайига уч нафар ўғилли бўлди. Унинг маъмури хонанда ўғил фарзанд кўрса, унга устозларининг исмини қўйишни ният қилгани, шунинг учун эгизакларнинг бирининг исми аниқ Тоҳир бўлишини ёзиб қолдирди.