Instagram: Юлдуз Усмонова қандай ҳолатда қизи Нилуфарни официант қилади? Блогер Дониёр Қаюмов уйланди, тўйда «авжига чиққан» Жаҳонгир Отажонов

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Дилноза Кубаева, Шаҳзода Муҳаммедова ҳамда Алишер Узоқов 22 декабрь куни бўлиб ўтадиган «Олтин ҳумо» тақдирлаш маросимига тайёргарлик кўрмоқда. Шунингдек, Шаҳзоданинг маълум қилишича, Дилноза Кубаеванинг Instagram саҳифаси ҳам блокланган.

Юлдуз Усмонова «Севимли юлдуз» кўрсатуви съёмкасида қизи Нилуфарга қандай талаблар қўйгани ҳақида сўзлаб берди. Хусусан, халқ артисти қизига «Агар қўшиқчиликда ўсмайдиган бўлсанг, шарманда қилма, йиғиштир-да, официантлик қил», дегани ҳақида гапирди.

Шоҳруҳхон янги имиж билан мухлисларига кўриниш берди.

Ҳулкар Абдуллаева «Алдама» деб номланган қўшиғига ишланган клипни тақдим этди.

Йигитали Мамажонов ва Муқаддас Саъдуллаева баъзида фаст-фуд ҳам истеъмол қилиб туришларини кузатувчиларига намоён этишди.

Ижтимоий тармоқларда Жаҳонгир Отажоновнинг тўй хизматида куйлаётгани акс этган видео тарқалди. Видеода хонанда қўшиққа берилиб кетгани ҳамда унинг устидаги кийим ечилиб кетганини кўриш мумкин.

Луиза Расулова саҳифасига янги сурат жойлади.

Блогер ва комик актёр Озод Хуррамов кафеда Муниса Ризаевани кўриб қолиб, унга қўшиқ айтиб, ўйнаб берди.

Болливуд юлдузи Бипаша Басунинг Instagram’даги кузатувчилари сони 10 миллионга етди. Актриса барча мухлисларига ўз миннатдорчилигини билдирди.

Бир вақтлар актриса Ситора Фармонова билан севишаётганини айтиб, пиар қилган блогер Дониёр Қаюмов 21 декабрь куни уйланди. Кўпчилик ижтимой тармоқ кузатувчилари тўйнинг ҳақиқийлигига ишонмаслигини ёзиб қолдирмоқда. Дониёрнинг ўзи эса никоҳдан ўтгани ҳамда тўйи акс этган видеоларни саҳифасига жойлаган.

Тўйда бошқа таниқли блогерлар, хонандалар ҳам иштирок этди.